ഏഴാം കടലും കടന്ന്…(ആൽക്കെമിസ്റ്റ്) ഭാഗം- 5 180

“നീയെന്താ ആലോചിക്കുന്നത് ?”

സുദീപ് ദീപ്തിയോട് ചോദിച്ചു. അവരുടെ മൂന്നു വയസ്സുള്ള  മകൻ നവനീത് പോയി കിടന്നിരുന്നു.

” ഇജുവിന്റെ കാര്യം തന്നെ. അവൻ എത്ര പെർഫെക്റ്റ് ആയി നമ്മുടെ കാര്യങ്ങൾ മുന്നോട്ട് കൊണ്ടു പോകുന്നു. അവൻ അവന്റെ കാര്യങ്ങൾ പോലും തീരുമാനിക്കുന്നത് നമ്മുടെ കൂടി ഫ്യൂച്ചർ കണ്ടു കൊണ്ടാണ്. ”

“അതെയതെ…”

“നമ്മൾ എത്ര നിർബന്ധിച്ചിട്ടും എന്നവൻ നമ്മുടെ കമ്പനിയിൽ ജോയിൻ ചെയ്യാതെ പുറത്തു വർക്ക് ചെയ്യാൻ പോയത്, അതുപോലും നമ്മുടെ നന്മയെക്കരുതിയാണ്. പക്ഷെ, അതറിയാതെ നമ്മളവനെ ഒരുപാടു തെറ്റിദ്ധരിച്ചു. ”

“പക്ഷെ, നാം അവനു വേണ്ടിയെടുത്ത തീരുമാനങ്ങളെല്ലാം തെറ്റുകയും ചെയ്തു. ”

“മെഹ്‌റാബാനുവിന്റെ കാര്യമല്ലേ, രണ്ടു പേർക്കും അത് നല്ല കാര്യമായിരുന്നില്ല.”