എന്റെ ചട്ടമ്പി കല്യാണി 11

Author : വിച്ചൂസ്

 

അവർ പോയതിനു ശേഷവും ഞങ്ങൾ ആലോചനയിൽ ആയിരുന്നു… ഈ കൃഷ്ണമല എന്ന് മാത്രമേ കേട്ടിട്ടുള്ളു അവിടെ എങ്ങനെ പോകുമെന്നോ… എന്ത് ചെയ്യണമെന്നോ….അറിയില്ല…അപ്പോഴാ വെങ്കി എന്നെ വിളിച്ചത്…

 

“ഡാ നീ എന്താ ആലോചിക്കുന്നേ??”

 

“അല്ലടാ ഈ കൃഷ്ണമല എന്ന് മാത്രമല്ലെ അറിയൂ… ബാക്കി ഒരു പിടിയുമില്ല… ”

 

“ആഹ്ഹ് നമ്മക്കു ആലോചിക്കടാ… എന്തേലും ഒരു വഴി… വരും..”

 

“നീയൊക്കെ എന്ത് ഇടിയ ഇടിച്ചേ എനിക്ക് നല്ല വേദന ഉണ്ട്… ”

 

“അളിയാ ഹരി… അവള് അങ്ങനെയൊകെ പറഞ്ഞപ്പോ… കണ്ട്രോൾ… വിട്ടുപോയി… നീ ഒന്ന് ആലോചിച്ചു നോക്കു… ആരായാലും അപ്പോ നിന്നെ അടിച്ചു പോകും…”

 

“പിന്നല്ലാതെ ഒരു നിമിഷം ഞാൻ വേറെ എന്തൊക്കെയോ ആലോചിച്ചു… ”

 

“നീ എന്ത് ആലോചിച്ചു എന്നാ പറയണേ… വെങ്കി ”

 

“അല്ലടാ ഹരി നീ ഒന്ന് ആലോചിച്ചു നോക്കു എങ്ങനും അവൾ പ്രെഗ്നന്റ് ആയിരുന്നെങ്കിൽ അവളുടെ അപ്പൻ വന്നു… നിന്നെയും അവളെയും തല്ലിക്കൊന്നു അങ്ങേരു ജയിലിൽ പോയനെ. ”

 

“പോടാ പട്ടി പറഞ്ഞു പേടിപ്പിക്കാതെ.. ”

 

“ഡാ ഹരി എനിക്ക് ഒരു ഡൌട്ട്…”

 

“എന്താടാ.. ”

 

“ഇവൾക്ക് ഈ ബയോളജി അത്ര പിടി ഇല്ല അല്ലെ..,”

 

“ഇല്ലടാ ബയോളജി പഠിപ്പിച്ചപ്പോൾ അവൾ ക്ലാസ്സിൽ പോയില്ല… “.

 

“അഹ് അതിന്റെയ ”

 

ഇവന്മാരുടെ രണ്ടു പേരുടെയും വർത്തമാനം കേട്ടിട്ടു എനിക്ക് ചൊറിഞ്ഞു വരുന്നുണ്ട്… കുറെ നേരമായി…