എന്റെ ഗീതൂട്ടി ??4 [John Wick] 264

“അയ്യോ….ഞാനത് മറന്നു….”അതും പറഞ്ഞു കൊണ്ട് ചെറിയമ്മയും എഴുനേറ്റു….എന്നിട്ട് അവർ രണ്ടുപേരും കൂടി അടുക്കളയിലേക്ക് പോയി…..

അങ്ങനെ ഉമ്മറത്ത് ഞാനും ഗീതൂട്ടിയും മാത്രമായി ഉമ്മറത്ത്…..ഞങ്ങൾ രണ്ടാളും പരസ്പരം ഒന്നും മിണ്ടാതെ ഇരുന്നു…..

എന്നോട് ഇങ്ങോട്ട് വന്ന് സോറി പറയട്ടെ എന്ന ഭാവത്തിൽ ഞാനും…… എന്നോട് എന്ത് പറയുമെന്ന് അറിയാതെ ഗീതൂട്ടിയുമിരുന്നു…..

ഗീതൂട്ടി എന്നോട് എങ്ങനെ സോറി പറയുമെന്ന ആലോചനയിൽ അവളുടെ മുഖത്ത് വിരിഞ്ഞ ഭാവങ്ങൾ കണ്ട് ചിരി അടക്കാൻ എനിക്ക് നന്നായി പാട് പെടേണ്ടി വന്നു……

“ഡാ….”ഒടുക്കം മൗനം ഭേദിച്ചു കൊണ്ട് ഗീതൂട്ടി വിളിച്ചു…..

ഞാൻ ഒന്നും മിണ്ടാതെയിരുന്നു……എന്റെ മൗനം കണ്ട് ഗീതൂട്ടി എന്റെ അടുത്തേക്ക് വന്നു……

“സോറി ഡാ….. ഗീതൂട്ടി ആകെ ക്ഷീണിച്ചോണ്ട് പറ്റിയതാ….. ഒന്ന് ക്ഷമിക്കെടാ….. ഗീതൂട്ടി പാവോല്ലേ….”ഗീതൂട്ടി എന്നോട് കെഞ്ചി…..

കുറച്ചു നേരം കൂടി അവളോട് വെയിറ്റ് ഇട്ട് നിൽക്കണമെന്നുണ്ടായിരുന്നുവെങ്കിലും….. എന്റെ തല അതിന് സമ്മതിക്കാതെ ശെരി എന്ന അർത്ഥത്തിൽ തല കുലുക്കി…..

പിന്നെ എന്റെ ചെവിക്ക് ഒരു സ്വസ്ഥതയും നൽകാതെ ഓരോ കാര്യങ്ങളും പറഞ്ഞുകൊണ്ടേയിരുന്നു…..അവൾ പറയുന്നത് കേൾക്കുകയാണെന്ന വ്യാജേന അവളെ ഞാൻ കണ്ണിമ വെട്ടാതെ നോക്കിയിരുന്നു…..

അവൾ സംസാരിക്കുമ്പോൾ മുഖത്ത് വിരിയുന്ന ഓരോ ഭാവങ്ങളും എന്റെ കണ്ണാകുന്ന ക്യാമറയിൽ നല്ല വ്യക്തമായി തന്നെ പതിഞ്ഞു കൊണ്ടിരുന്നു…..

അങ്ങനെയിരിക്കുമ്പോൾ ഞാൻ ഉമ്മറത്തെ ക്ലോക്കിലേക്ക് പതിയെ ഒന്ന് നോക്കി…..സമയം നാല് മണിയായിരിക്കുന്നു…..