എന്റെ ഗീതൂട്ടി ??4 [John Wick] 264

ഇളയമ്മ ഗീതൂട്ടിയുടെ പഠനകാര്യങ്ങളും മറ്റും ചോദിക്കുന്നുണ്ടായിരുന്നു ഇതിന്റെ ഇടയിൽ….

അങ്ങനെ ഇരിക്കുമ്പോൾ ഇളയച്ഛന്റെ വണ്ടിയുടെ ഒച്ച ഞങ്ങൾ കേട്ടു…… വണ്ടിയുടെ ഒച്ച കേട്ട മാത്രയിൽ തന്നെ ഇഷാനും ഇഷ മോളും ഉമ്മറത്തേക്ക് ഓടി….

പിന്നാലെ ഇളയമ്മയും ഗീതൂട്ടിയും ഉമ്മറത്തേക്ക് പോയി….കുറച്ച് നേരം കഴിഞ്ഞപ്പോൾ ഇഷ മോളെ ഒക്കത്ത് എടുത്തും….ഇഷാനെ കയ്യിൽ പിടിച്ചും വരുന്ന ഇളയച്ഛനെയാണ് ഞങ്ങൾ കണ്ടത്….

പിന്നാലെ ഇളയച്ഛന്റെ ബാഗുമായി ഇളയമ്മ വന്നു….അതിനും പിന്നിലായാണ് നമ്മുടെ കക്ഷിയുടെ വരവ്….

ഹാളിലെത്തിയ ഇളയച്ഛൻ ഇഷ മോളെ താഴത്തു വെച്ച് അവൾക്കും ഇഷാനും രണ്ട് മിട്ടായി നൽകി….

അത് കിട്ടിയ സന്തോഷത്തിൽ രണ്ടെണ്ണം ആ ഹാളിനെ മൊത്തം വലം വെക്കുവാൻ തുടങ്ങി…..

എനിക്കും ഗീതൂട്ടിക്കും കിട്ടി രണ്ട് മിട്ടായികൾ… അപ്പോഴേക്കും കുളിക്കുവാൻ വേണ്ടി ഇളയച്ഛൻ അവരുടെ മുറിയിലേക്ക് പോയി….

ഗീതൂട്ടി പഴയത് പോലെ ഇഷ മോളെയും എടുത്ത് നടക്കാൻ തുടങ്ങി….ഇഷാൻ അപ്പോഴേക്കും കാർട്ടൂണിന്റെ മുന്നിൽ ഇടം പിടിച്ചിരുന്നു…..

എനിക്കും പ്രത്യേകിച്ച് ഒരു പണിയുമില്ലാത്തതുകൊണ്ട് ഞാനും അവന്റെ കൂടെയിരുന്നു കാർട്ടൂൺ കാണാൻ തുടങ്ങി…..

പിന്നീട് വന്ന ചെറിയച്ഛനും അച്ഛനും വല്യേച്ചിയും ഇഷ മോളെ ഗീതൂട്ടിയുടെ കയ്യിൽ നിന്നുമെടുത്തു ഒക്കത്ത് കുറച്ച് നേരം വെച്ച് തിരികെ ഗീതൂട്ടിക്ക് തന്നെ കൊടുക്കുന്നത് ഒരാചാരമാക്കി തീർത്തിരുന്നു…..