എന്റെ ഗീതൂട്ടി ??4 [John Wick] 264

“നീ എപ്പോ എണീറ്റു….?” അമ്മ കേറി വന്നപാടെ ചോദിച്ചു….

“ഞാൻ ഒമ്പത് മണിയായപ്പോ എണീറ്റു അമ്മേ….”ഞാൻ പറഞ്ഞു….

“നീ കഴിച്ചോ??” അമ്മ വീണ്ടും ചോദിച്ചു….

“ഇല്ല….”ഞാൻ പറഞ്ഞു….

അപ്പോഴേക്കും അമ്മയുടെ ഒച്ച കേട്ട് ചെറിയമ്മ അടുക്കളയിൽ നിന്നു വന്നു….

“എല്ലാം ആയോടി….?” അമ്മ ചെറിയമ്മയോട് ചോദിച്ചു….

“ദാ… ഇപ്പൊ ആയിട്ടേ ഉള്ളു….ഇനിയെല്ലാം പാത്രത്തിലേക്ക് ആക്കിയാൽ മതി…..”ചെറിയമ്മ പറഞ്ഞു…..

അങ്ങനെ അമ്മയും ചെറിയമ്മയും കൂടെ ചോറും കറികളും പാത്രത്തിലേക്ക് നിറച്ചു……ഹോട്ടലിൽ രാവിലെയും വൈകീട്ടുമാണ് കച്ചവടം കൂടുതൽ….. അതുകൊണ്ട് തന്നെ ഉച്ച ഭക്ഷണം ഉണ്ടാക്കാറില്ല……

അച്ഛനും അമ്മയും സരള ചേച്ചിയും ഞങ്ങളുടെ വീട്ടിൽ നിന്നും കൊണ്ടുപോകുന്ന ചോറും കറികളുമാണ് കഴിക്കാറ്……

ഹോട്ടലിൽ അമ്മയ്ക്കും സരള ചേച്ചിക്കും ഉച്ചക്കാണ് പണി കൂടുതൽ….. വൈകിട്ടത്തേക്കുള്ള കടിക്കുള്ള സാമഗ്രികൾ ഉണ്ടാക്കുന്നത് അപ്പോഴാണ്…..

രാവിലേക്കുള്ളതും കൂടെ അവർ ഈ നേരം കൊണ്ട് ഉണ്ടാക്കി വെക്കും….അങ്ങനെ ആകുമ്പോൾ രാവിലെ ചെന്ന് ചൂടോടെ ഉണ്ടാക്കിയാൽ മതിയല്ലോ……

ഇടക്കൊക്കെ ഞാനും അങ്ങോട്ട് പോകാറുണ്ട്…… ഹോട്ടലിലെ അധികം പണിയും എനിക്ക് പറ്റാത്തതുകൊണ്ട് ഞാൻ കൂടുതലും അച്ഛന്റെ കൂടെ സൂപ്പർമാർക്കെറ്റിൽ ആണ് നിൽക്കാറ്….

ഓരോന്ന് എടുത്തുകൊടുക്കുകയും… വൈകീട്ട് അച്ഛൻ പറമ്പുകളിലേക്ക് ഇറങ്ങുമ്പോൾ കൗണ്ടറിലിരുന്ന് പൈസ വാങ്ങുന്നതുമൊഴിച്ചാൽ എനിക്ക് അവിടെയും പ്രത്യേകിച്ച് പണിയുയൊന്നുമില്ല…..