എന്റെ ഗീതൂട്ടി ??4 [John Wick] 264

ഗീതൂട്ടിക്കും സരസ്വതിയമ്മക്കും ചെറിയ തോതിൽ സങ്കടം ഒക്കെ വന്നു….അടുത്താഴ്ച കാണാമല്ലോ എന്ന ആശ്വാസത്തിൽ അവർ പിടിച്ചു നിന്നു….

പോകുന്നതിനു മുന്നേ എല്ലാവരും ഇഷ മോളെയും ഇഷാനെയും വാരി പുണർന്നു അവരെ ഉമ്മകളാൽ മൂടി….

അവർ നാല് പേരും ഇളയച്ഛന്റെ ബൈക്കിൽ കയറി….. എന്നിട്ട് ഒരിക്കൽ കൂടി എല്ലാവരോടും യാത്ര പറഞ്ഞതിന് ശേഷം യാത്ര തിരിച്ചു…..

അവർ പോയതോടു കൂടി വീട് ഉറങ്ങിയത് പോലെയായി…..കഷ്ടി ഒരു ദിവസമേ നിന്നുള്ളുവെങ്കിലും അവരുടെ കളികളും ചിരികളും ഈ വീട്ടിൽ എടുത്തു നിന്നിരുന്നു…..

അവർ എല്ലാ പ്രാവശ്യവും പോകുമ്പോഴും എല്ലാവരും അനുഭവിക്കുന്ന ഏകാന്തത ഒരിക്കൽ കൂടി എല്ലാവരും അനുഭവിച്ചു എന്ന് മാത്രം…..

പ്രത്യേകിച്ച് ഒന്നും സംഭവിക്കാതെ ആ ദിനവും കഴിഞ്ഞു പോയി…..പിന്നാലെ യാതൊന്നും സംഭവിക്കാതെ ഒരു അധ്യയന വർഷവും ഒരു വേനലും ഞങ്ങളുടെ മുന്നിലൂടെ കടന്ന് പോയി….

———————————————————

ഞാൻ എന്റെ ഇഷ്ട്ടം യാതൊരു തടസ്സവും കൂടാതെ എനിക്ക് തോന്നുമ്പോഴെല്ലാം ഗീതുട്ടിയെ അറിയിച്ചുകൊണ്ടേയിരുന്നു…..

റേഡിയോ ഇട്ട പോലെ ഇഷ്ട്ടമല്ല എന്നും തുടർന്നുള്ള ഉപദേശവും യാതൊരു തടസ്സവുമില്ലാതെ എന്നോടും പറഞ്ഞു കൊണ്ടേയിരുന്നു….

ഗീതൂട്ടി അവളുടെ അമ്മ വീട്ടിൽ വേനലവധിക്ക് പോയി നിന്നു……ഞാൻ ഇത് വരെ എന്റെ അമ്മ വീട്ടിൽ പോയിട്ടില്ല…

വീട്ടിൽ ഞാൻ ഒറ്റക്കാകും എന്ന കാരണത്താൽ ചെറിയമ്മ എല്ലാ കൊല്ലത്തെയും പോലെ വല്യേച്ചിയുടെയും ഗീതൂട്ടിയുടെയും കൂടെ പറഞ്ഞയച്ചു…..