എന്റെ ഗീതൂട്ടി ??4 [John Wick] 264

“എവിടാരുന്നു ഇത്രേം നേരം…..”ഉമ്മറത്തെത്തിയ ഞങ്ങളോട് ചെറിയച്ഛൻ ചോദിച്ചു…

അതിനു മറുപടിയായി ഇഷാനും ഇഷ മോളും പോകുന്ന പോക്കിൽ കണ്ട ഓരോ ചെടിയെയും ഉറുമ്പിനെയും കുറിച്ച് അവർക്ക് പറഞ്ഞ് കൊടുത്തു…..

അപ്പോഴേക്കും ഞാൻ ഡ്രസ്സ്‌ മാറുവാനായി റൂമിലേക്കും വല്യേച്ചിയും ഗീതൂട്ടിയും കുളിക്കുവാനായി അവരുടെ മുറിയിലേക്കും പോയി….

ഡ്രസ്സ്‌ മാറി വന്ന ഞാൻ ഉമ്മറത്തു പിള്ളേരുടെ കൂടെ കുറച്ച് നേരം കളിച്ചുകൊണ്ടിരുന്നു…..

കുളിക്കാൻ പോയ ഗീതൂട്ടിയും വല്യേച്ചിയും അവർക്ക് പഠിക്കാനുള്ളത് പഠിക്കുകയാകും എന്ന് ഞാൻ ഊഹിച്ചു….

അങ്ങനെ ഇരിക്കുമ്പോൾ അമ്മ ഹോട്ടലിൽ നിന്നും ഉച്ച ഭക്ഷണത്തിനു വരുന്നത് കണ്ടു……അമ്മ വന്നപാടെ അടുക്കളയിലേക്ക് പോയി……

ഭക്ഷണം നിറച്ചു പോകാൻ നേരം ഇളയമ്മയോട് പോകുമ്പോൾ ഹോട്ടലിൽ കേറാനും നല്ല പരിപ്പുവട തന്നു വിടാമെന്നും പറയുന്നത് ഞാൻ കേട്ടു…..

അതിനു ശേഷം അമ്മ ഞങ്ങളോട് യാത്ര പറഞ്ഞു ഹോട്ടലിലേക്ക് പോയി…..പിന്നാലെ വന്ന ഇളയമ്മ ഞങ്ങളെ ഭക്ഷണം കഴിക്കുവാനായി വിളിച്ചു…..

ഞങ്ങളെല്ലാവരും പോയി ഭക്ഷണം കഴിച്ച് വന്നു…..അപ്പോഴേക്കും ഗീതൂട്ടിയും വല്യേച്ചിയും വന്നിരുന്നു…..

ഒരു മൂന്ന് മണിയോടനുബന്ധിച്ചു ഇളയമ്മ പോകുവാനായി തയ്യാറായി വന്നു….ഇഷ മോളെയും ഇഷാനെയും ഇതിനിടയിൽ കൊണ്ടുപോയി ഡ്രസ്സ്‌ മാറ്റി കൊണ്ടുവന്നിരുന്നു……

ഇളയച്ഛൻ ഇളയച്ഛന്റെ വണ്ടിയിൽ കയറ്റി ഇവരെ കൊണ്ടുപോകാനായി തയ്യാറായി……