എന്റെ ഗീതൂട്ടി ??4 [John Wick] 264

“നീ പഠിക്കേ വേണ്ട….. ഈ കൊല്ലം കഴിഞ്ഞാൽ നിനക്കൊരു കയ്‌ക്കോട്ട് വാങ്ങി തരാൻ ഞാൻ വല്യച്ഛനോട് പറയാം……”വല്യേച്ചി പുച്ഛിച്ചു….

വല്യേച്ചി പണ്ടേ ഇങ്ങനെയാണ്….വെറുതെ ഓരോന്ന് പറഞ്ഞു ചൊറിഞ്ഞോണ്ടിരിക്കും…..’ചൊറിയൻ പുഴു ‘ എന്നാണ് ഞാനും ഗീതൂട്ടിയും ഇട്ടിരിക്കുന്ന പേര്…..

“ദേ… അച്ഛൻ വന്നെന്ന് തോന്നുന്നു….വല്യേച്ചി ഇപ്പൊ തന്നെ പോയി പറ….”ഞാനും അതെ പോലെ പുച്ഛിച്ചു…..

“പോടാ ചെള്ള് ചെക്കാ….”വല്യേച്ചി ഇതും പറഞ്ഞു സരസ്വതിയമ്മയുടെ മുറിയിലേക്ക് പഠിക്കാൻ വേണ്ടി പോയി…..

കുറച്ചു നേരം അങ്ങനെ ഇരിക്കവേ അച്ഛൻ നടന്ന് മുറിയിലേക്ക് പോയി….പുള്ളി പുള്ളിയുടെ ലോകത്താണ് എപ്പോഴും….

സംസാരം വളരെ കുറഞ്ഞ പ്രകൃതക്കാരനാണ് അച്ഛൻ…..എപ്പോഴും എന്നെ കണ്ടാൽ ഒന്ന് പുഞ്ചിരിക്കും….. അത്രേ ഇപ്പോഴും കിട്ടിയുള്ളൂ……

കുറച്ച് നേരം കഴിഞ്ഞപ്പോൾ ആരോ എന്റെ അടുത്തേക്ക് പമ്മി പമ്മി വന്നിരുന്നു……പമ്മി വന്നിരുന്നത് വേറെ ആരുമല്ല….. നമ്മുടെ ഗീതൂട്ടി തന്നെയാണ്…

ഞാൻ ഗീതൂട്ടിയെ ഒന്ന് നോക്കി….അവൾ എന്നെ നോക്കി ഒന്നു കണ്ണിറുക്കി….. ഞാൻ ചിരിച്ചു….. എന്നിട്ട് ഞങ്ങൾ രണ്ടാളുമായിരുന്ന് ടിവി കണ്ടു…..

കുറച്ച് നേരത്തിനു ശേഷം ചെറിയമ്മ ഞങ്ങളുടെ അടുത്തേക്ക് വന്നു…..

“നിനക്കെന്താടാ പഠിക്കാനൊന്നുമില്ലേ….അയ്യോ തമ്പുരാട്ടി ഇവിടെ ഉണ്ടായിരുന്നോ…..”ചെറിയമ്മ ഞങ്ങളോട് ചോദിച്ചു…..

“എനിക്ക് പഠിക്കാനൊന്നുമില്ല ചെറിയമ്മേ….”ഞാൻ തടിതപ്പി….