എന്റെ ഗീതൂട്ടി ??4 [John Wick] 264

“പിന്നില്ലാതെ….. ഉളുപ്പുണ്ടോടാ നിനക്ക് ആ ചെറിയ ചെക്കനെ തോൽപ്പിച്ച് വലിയ ആളാവാൻ….”ഗീതൂട്ടി വീണ്ടും പുച്ഛിച്ചു…

“എന്ന ഗീതൂട്ടി വാ….ഞാൻ തോൽപ്പിക്കാം….”ഞാൻ പറഞ്ഞു….

“ഓഹ് പിന്നേ….ഞാനൊന്നുമില്ല….”ഗീതൂട്ടി പറഞ്ഞു….

“ആഹ്….എന്ന പിന്നെ കളിച്ചവരെ പുച്ഛിക്കരുത്….”ഞാൻ പറഞ്ഞു കൊണ്ട് അകത്തേക്ക് നടന്നു….. പിന്നാലെ ഗീതൂട്ടിയും….

വാതിൽ തുറന്ന് അകത്തേക്ക് കയറിയപ്പോഴേ ഇളയമ്മ ഞങ്ങൾക്കുള്ള ചായയുമായി വരുന്നത് ഞങ്ങൾ കണ്ടു…..

“ആഹ്….ഞാൻ നിങ്ങൾക്കുള്ള ചായ ആയിട്ടാ വന്നേ….. ദാ….”ഇളയമ്മ ഞങ്ങൾ രണ്ട് പേർക്കുമുള്ള ചായ നീട്ടി….ഞങ്ങളത് വാങ്ങിച്ച് ഇളയമ്മയുടെ കൂടെ അകത്തേക്ക് പോയി….

അകത്തു വല്യേച്ചി ഒഴിച്ച് വീട്ടിലെ തരുണീമണികളെല്ലാം ഹാജരായിട്ടുണ്ട്….എല്ലാവരും ചായ കുടിക്കലും അമ്മ കൊണ്ടുവന്ന പലഹാരങ്ങൾ കഴിക്കുകയും….പിള്ളേരെ കളിപ്പിക്കുകയുമാണ്……

ഗീതൂട്ടി നേരെ പിള്ളേരുടെ അടുത്ത് പോയി അവരെ കളിപ്പിക്കാൻ തുടങ്ങി….ഞാൻ നേരെ ചെന്ന് അമ്മ കൊണ്ടു വന്നതിൽ നിന്ന് ഒരു പഴംപൊരിയെടുത്തു കഴിച്ചു കൊണ്ട് ചായ കുടിക്കാൻ തുടങ്ങി….

സോഫയിൽ പോയി ഇരുന്നെങ്കിലും എന്റെ ശ്രദ്ധ മുഴുവൻ താഴെ ഇരിക്കുന്ന ഗീതൂട്ടിയിലായിരുന്നു…..

ഒരു തരം മായാലോകത്ത് എത്തിയത് പോലെയാണ് അവളെ കണ്ടാൽ….. ചുറ്റിലും നടക്കുന്നതെല്ലാം അവളെ കണ്ടാൽ ഞാൻ മറക്കും….

ആ ഹാളിലുള്ള എല്ലാവരും നിശ്ചലരായി ഞാനും ഗീതൂട്ടിയും മാത്രമുള്ള ഒരു തരം അനുഭവം….