എന്റെ ഗീതൂട്ടി ??4 [John Wick] 264

ഇന്ന് പറമ്പുകളിൽ വെള്ളം നനക്കാൻ പോകേണ്ടത് എന്റെ ചുമതലയാണ്….. അവധി ദിവസങ്ങളിൽ അതെന്റെ ഉത്തരവാദിത്വം ആണ്……

അതേപോലെ ആഴ്ചയിൽ രണ്ട് ദിവസം ഞാൻ കടയിലും പോയി നിൽക്കേണ്ടതുണ്ട്….. ഇതെല്ലാം അച്ഛന്റെ കർശനമായ ഓർഡറുകളാണ്…..

ആഴ്ചയിൽ ഈ രണ്ട് ദിവസം കച്ചവടം കണ്ട് പഠിക്കാനും….. ഈ അവധി ദിനങ്ങൾ മണ്ണിനേയും ചെടികളെയും പഠിക്കാനും കൂടെ വേണ്ടിയാണ്……

നാല് മണി ആയത് കണ്ട ഞാൻ പതിയെ ഗീതൂട്ടിയുടെ അടുത്ത് നിന്നും എഴുനേറ്റു…… അപ്പോഴും ഗീതൂട്ടി സംസാരം നിർത്തിയിരുന്നില്ല……

അവിടെ കുറച്ച് നേരം കൂടി ഇരിക്കണമെന്ന് കലശലായ മോഹമുണ്ടെങ്കിലും അച്ഛൻ തന്ന പണി ചെയ്യാതിരിക്കാനാവില്ല……

പണി ചെയ്യാതിരുന്നാലെന്ത് എന്ന് ഇതുവരെ അറിഞ്ഞിട്ടില്ല…… വീട്ടിലെ കുട്ടികളെ ഒരാളെയും അച്ഛൻ ഇത് വരെ അടിച്ചിട്ടില്ല…… എങ്കിലും എല്ലാവർക്കും ഒരു ഭയമുണ്ട് അച്ഛനോട്……

“ഹ്മ്മ്? എങ്ങോട്ടാ??” ഞാൻ എഴുന്നേറ്റത് കണ്ട ഗീതൂട്ടി ചോദിച്ചു……

“ഇന്ന് ശനിയാഴ്ചയല്ലേ…… പറമ്പിൽ വെള്ളം നനക്കാൻ ഉണ്ട്…..”ഞാൻ പറഞ്ഞു….

“ഓഹ്….ശെരി എന്ന പൊക്കോ….”ഞാൻ ഇടയിൽ പോകുന്നതിന്റെ നീരസം മുഴുവൻ പുറത്ത് കാട്ടികൊണ്ട് ഗീതൂട്ടി പറഞ്ഞു…..

“ഞാൻ വേഗം വരാം….. ഗീതൂട്ടി ചെറിയമ്മയോടും സരസ്വതിയമ്മയോടും ഞാൻ പോയി എന്ന് പറയണേ……”ഞാൻ അതും പറഞ്ഞ് പറമ്പിലേക്ക് ഓടി…..

വേഗം പോയിട്ട് നനച്ചു വരണം എന്നായിരുന്നു എന്റെ പദ്ധതി….. ഇളയമ്മയും മക്കളും വരുന്നത് കൊണ്ടും….. നാളെ ഞായറാഴ്ച ആയതിനാലും ഗീതൂട്ടിക്ക് എന്നും ശനിയാഴ്ച ചെറിയമ്മ പഠിക്കുന്നതിൽ നിന്ന് അവധി നൽകിയിട്ടുണ്ട്…..