ഇവാ,An Angelic Beauty Part6[മാലാഖയുടെ കാമുകൻ] 2149

അവൻ ബൈക്കിൽ നിന്നും ഇറങ്ങി അകത്തു സെറ്റിയിൽ പോയി ഇരുന്നു..

“അഹ്‌ നീ വന്നോ.. ചേച്ചി ചായ എടുക്കാം..”

ഭദ്ര പുഞ്ചിരിയോടെ അവനെ നോക്കി.. എന്നാൽ അവന്റെ മുഖം കണ്ടപ്പോൾ അവൾ സംശയത്തോടെ അവന്റെ അടുത്ത് ചെന്നു..

“എന്താ മോനു..വല്ലാതെ ഇരിക്കുന്നത്..? നീ കരഞ്ഞോ..?”

“ചേച്ചി.. അത്….”

അവൻ പതറിയപ്പോൾ അവൾ അവനെ സൂക്ഷിച്ചു നോക്കി.. ആദ്യമായിട്ടാണ്.

“പറ മോനു…”

“ഞാൻ… ഞാൻ…..ഞാൻ ഒരു വാക്ക് തെറ്റിച്ചു.. ചേച്ചിയോട്…”

അവൻ അന്ന് ഉണ്ടായ കാര്യങ്ങൾ പതർച്ചയോടെ പറഞ്ഞു.. പറഞ്ഞു തീർന്നില്ല..
പടക്കം പൊട്ടും പോലെ ഭദ്രയുടെ കൈ അവന്റെ കവിളിൽ പതിച്ചു…

“പറഞ്ഞതല്ലേടാ നിന്നോട് ഞാൻ..????”

അവൾ അലറിക്കൊണ്ട് അവന്റെ ഷർട്ടിന്റെ കോളറിൽ പിടിച്ചു ഉലച്ചു.. അവന് വല്ലാതെ പേടി തോന്നി.. ഭദ്രയുടെ ചുവന്നു കലങ്ങിയ കണ്ണുകളും ദേഷ്യവും.. അവനോടു ആദ്യമായിട്ട് ആണ് അവൾ ദേഷ്യപെടുന്നത്..

“ഇതിനാണോ നിന്നെ ഞാൻ വളർത്തിയത്..? ആണോ…?”

അവളുടെ അലർച്ച… അവൻ പേടിയോടെ കണ്ണുകൾ അടച്ചു..

“മാപ്പ് ചേച്ചി.. എനിക്ക് പറ്റി പോയതാ.. ഇഷ്ടമാണ്.. അവളെ.. അല്ലാതെ.. ഞാൻ….”

അവൻ അവളുടെ പിടി വിടുവിച്ചു റൂമിലേക്ക് ഓടി.. ബെഡിൽ കിടന്ന് കരഞ്ഞു.. ഭദ്രക്ക് അവന്റെ കരച്ചിൽ കേട്ടിട്ട് ചങ്ക് തകരുന്നുണ്ടയിരുന്നു.. അവൾ സെറ്റിയിൽ കണ്ണടച്ചു ഇരുന്നു.

ആദ്യമായ്‌ അനിയനെ തല്ലേണ്ടി വന്നതിൽ അവൾക്ക് കുറ്റബോധം തോന്നി.. ഇവാ കാരണം ആണ് റോക്ക് ജീവനോടെ ഉള്ളത് എന്ന കാര്യം അവൾ വീണ്ടും ഓർത്തു…

വേണ്ട അവന് ഇഷ്ടമല്ലെങ്കിൽ.. പക്ഷെ അവന് അവളെ ഇഷ്ടമാണ് എന്ന് അവൾക്കും ഉറപ്പായിരുന്നു. എന്നിട്ടും അവൻ അങ്ങനെ പറയാൻ പാടില്ലായിരുന്നു..