അപൂർവരാഗം II [രാഗേന്ദു] 858

അപൂർവരാഗം II

Author: രാഗേന്ദു

Previous Part 

 

ഹായ് ഫ്രണ്ട്‌സ്.. ഒന്നും പ്രതീക്ഷിക്കാതെ വായിക്കുക..അക്ഷരത്തെറ്റുകൾ ക്ഷമിക്കുക..

നിങ്ങൾക്ക് കഥ ഇഷ്ടമാവുന്നുണ്ടോ എന്ന് എനിക്ക് അറിയില്ല..മനസിൽ തോന്നുന്നത് ആണ് എഴുതുന്നത്.. തെറ്റുകൾ ഉണ്ടാവാം ക്ഷമിക്കും എന്ന് വിശ്വസിക്കുന്നു..സ്നേഹത്തോടെ❤️

 

 

“ദൈവമേ നെഞ്ചിൽ കയറി കൂടിയോ പെണ്ണ്..പണി ആവുമോ..ഇന്ന് കണ്ടതെ ഉള്ളു അപ്പോഴേക്കും??ഏയ്‌. ഛേ!!..”

ഇനി എന്തെങ്കിലും ആലോചിച്ചാൽ പ്രാന്ത് പിടിക്കും അതുകൊണ്ട് ഒരു പുഞ്ചിരിയോടെ തലയണയിൽ മുഖം പൂഴ്ത്തി തല വഴി പുതപ്പ് എടുത്തു പുതച്ചു.. കണ്ണുകൾ അടച്ചു നിദ്രയിൽ പൂണ്ടു.. നല്ല നിമിഷങ്ങൾ സ്വപ്നം കണ്ട്..

 

തുടർന്ന് വായിക്കുക..

*****

രാവിലെ അലാറം അടിക്കുന്ന ശബ്ദം കേട്ടാണ് ഞാൻ ഉണർന്നത്.. ബാത്‌റൂമിൽ കയറി ഒന്ന് ഫ്രഷ് ആയി.. മുറിയുടെ പുറത്തേക്ക് ഇറങ്ങി.. സൂര്യയുടെ മുറിയിൽ കയറി നോക്കി നല്ല വൃത്തിക്ക് എല്ലാം അടുക്കി വച്ചിരിക്കുന്ന നല്ല വലുപ്പമുള്ള മുറി.. അവനെ എങ്ങും അവിടെ കാണാൻ സാധിച്ചില്ല.. ഞാൻ അടുകളിയിൽ ചെന്ന് കാപ്പി ഉണ്ടാക്കി..അവനു ഉള്ളത് ഫ്ലാസ്കിൽ ആക്കി എനിക്കുള്ള കാപ്പി ഞാൻ ഒരു കപ്പിൽ പകർത്തി തിരിഞ്ഞു നടന്നതും.. ഒരു ടവൽ കൊണ്ട് മുഖവും തുടച്ച് ഒരു ഷൊർട്സും അഴിഞ്ഞ ഒരു സ്ലീവ്ലെസ് ബനിയനും ഇട്ട് ഫ്രണ്ട് ഡോർ തുറന്നു വരുന്ന സൂര്യയെ ആണ് ഞാൻ കണ്ടത്..

“ഗുഡ് മോർണിങ് സൂര്യ..”

ഒരു പുഞ്ചിരിയോടെ ഞാൻ അവനെ വിഷ് ചെയ്തു..

“ഹേയ് ശിവ് മോർണിങ്.. എണീറ്റോ.!!.”

“അഹ്.. ഞാൻ നോക്കിയായിരുന്നു മുറിയിൽ.. നിന്നെ കണ്ടില്ല നടക്കാൻ പോയോ..വാ കാപ്പി കുടിക്കുന്നോ.!!.”

ഞാൻ ഫ്ലാസ്ക് തുറന്നു..

“ഞാൻ എടുത്തോളാ ഒന്ന് ഫ്രഷ് ആവണം.. ജിമ്മിൽ പോയി വന്നതാ.. ഇവിടെ ഇവരുടെ തന്നെ ജിം ഉണ്ട് ടോപ്പ് ഫ്ലോറിൽ..”

അവൻ ഒരു പുഞ്ചിരിയോടെ പറഞ്ഞ് അവിടെ നിന്നും മുറിയിലേക്ക് നടന്നു.. ഞാൻ നേരെ ബാൽകോണിയിലേക്കും.. മൂടൽ മഞ്ഞ് ബാംഗ്ലൂർ നഗരത്തെ പൊതിഞ്ഞു പിടിച്ചിരിക്കുന്നു.. ചുറ്റും ഒന്നും കാണുന്നില്ല.. പക്ഷെ വണ്ടികളുടെ ഹോർണ് അടി ശബ്ദം കേൾക്കാം..രാവിലെ തന്നെ എല്ലാവരും തിരക്കിലാണ്..

നാട് ഓർമ വരുന്നു..ശാന്തവും സുന്ദരവുമായ എന്റെ ഗ്രാമം.. വന്നിട്ട് ഒന്ന് രണ്ട് ദിവസം ആയുള്ളൂ അപ്പഴേക്കും നാടിനെ വല്ലാതെ മിസ് ചെയുന്നു .. ഇടുക്കി എന്നും സുന്ദരി ആണ്.. അവളെ അങ്ങനെ അങ് മറക്കാൻ പറ്റുമോ.!. എവിടെ പോയലും സ്വന്തം നാട് ആവും എല്ലാവർക്കും പ്രിയം. ഞാൻ ഒന്ന് ശ്വാസം ആഞ്ഞു വലിച്ചു..കപ്പ് ചുണ്ടോട് മുട്ടിച്ച് കാപ്പി ഒരു ഇറക്ക് ഇറക്കി.. ആ തണുപ്പിൽ അത് ആസ്വദിച്ചു…