അപൂർവരാഗം II [രാഗേന്ദു] 858

“അഹ് ഡീൽ ഈ സൺഡേ ഞാൻ വരാം. നമ്മുക്ക് അടിച്ചുപോളിക്കാം..പിന്നെ നീ ബാംഗ്ലൂർ വന്നിട്ട് എങ്ങും പോയിട്ടില്ലല്ലോ നമ്മുക് പുറത്തേക്ക് ഇറങ്ങാം.. അല്ലെ സൂര്യ…

“മ്മ്മ്.. അതെ അതെ..”

അവൻ അതു പറഞ്ഞ് എന്നെ നോക്കി തലയാട്ടി..ഞാൻ ഒന്ന് ചിരിച്ചു..

ഞങ്ങൾ ജോലി തുടർന്നു.. രണ്ട് സ്റ്റാഫ്‌സ് ലീവ് ആയതു കൊണ്ട് നല്ല തിരക്കായിരുന്നു.. ഇടക്ക് ഫുഡ് കഴിക്കാൻ ഇറങ്ങി എങ്കിലും പെട്ടെന്ന് തന്നെ തിരിച്ചു കയറേണ്ടി വന്നു.. എന്നാലും ഇടക്ക് എന്റെ നോട്ടം അവളിലേക്ക് മുടങ്ങാതെ എത്തി.. കണ്ണ് എടുക്കാൻ തോന്നുന്നില്ല.. അവളെ കണ്ടുകൊണ്ട് ഇരിക്കാൻ മനസ് വെമ്പുന്നു..

വൈകുന്നേരം അവളോട് യാത്ര പറഞ്ഞ് ഞങ്ങൾ ഫ്ലാറ്റിലേക്ക് തിരിച്ചു..

ഫ്ലാറ്റിൽ എത്തിയതും മുറിയിൽ കയറി ഞാൻ ഒന്ന് കുളിച്ചു ഫ്രഷ് ആയി പുറത്തേക്ക് ഇറങ്ങി.. ഒരു ബ്ലാക്ക്‌ ഷോട്സും ടി ഷർട്ടും ഇട്ട് വാതിൽ തുറന്ന് ഹാളിലേക്ക് വന്നു.. സൂര്യ അവിടെ സെറ്റിയിൽ ഇരുന്ന് ലാപ്പിൽ എന്തോ ചെയുന്നുണ്ട്..

ഞാൻ അടുക്കളയിൽ പോയി ചായ ഇട്ട് രണ്ട് കപ്പിലായി ഒഴിച്ചു.. ഒന്ന് സൂര്യക്ക് നേരെ നീട്ടി..അവൻ ഒരു ചിരിയോടെ അത് മേടിച്ചു ചുണ്ടോട് അടുപ്പിച്ചു.. ഞാൻ അവന്റെ അടുത്തു ഇരുന്നു..

“സൂര്യ.!”

എന്റെ വിളി കേട്ട് അവൻ ഒന്ന് മൂളി.. കണ്ണുകൾ ലാപ്പിൽ തന്നെ ആണ്..

“ഒരു അത്യാവശ്യ കാര്യം പറയാൻ ഉണ്ടായിരുന്നു..”

“എന്താടാ..?”

അവൻ സംശയ ഭാവത്തിൽ എന്നെ നോക്കി..

“അത്.. നീ റെന്റിന്റെ കാര്യം ഒന്നും പറഞ്ഞില്ലല്ലോ..എത്രയാ ഞാൻ തരേണ്ടത്??..”

നീതയുടെ കാര്യം അവനോട് പറയാൻ വേണ്ടി ആണ് അവനെ വിളിച്ചത് എങ്കിലും എന്തോ അവനോട് പറയാൻ മനസ് സമ്മതിക്കുന്നില്ല.. പിന്നെ ഒരിക്കൽ ആവാം എന്നു കരുതി..