അനുരക്തി✨ PART-03 [ȒὋƝᾋƝ] 334

അവനൊന്ന് തിരിഞ്ഞു നോക്കിയ ശേഷം നിളയുടെ അമ്മയോട് പറഞ്ഞു

“അമ്മേ ഞാൻ ഒന്നു വീട് വരെ പോയിട്ട് വരാം…, മേലൊക്കെ നല്ല വേദന തോന്നുന്നു…ആരോടും പറയണ്ട!”

“എന്താ മോനെ ഷർട്ടിന്റെ പുറത്തൊക്കെ അഴുക്ക്! നീ താഴെയാണോ കിടന്നത്… അതുകൊണ്ടാണോ നിനക്ക് വയ്യാണ്ടായത്?

“അതൊന്നുമില്ല അമ്മേ സ്ഥലം മാറി കിടന്നത് കൊണ്ടാവും പിന്നെ പൊടി അറിയാതെ ആയതാവും ഞാൻ ഒന്ന് വീട്ടിൽ പോയിട്ട് വരാം, നിള എണിക്കുകയാണെങ്കിൽ ഒന്ന് പറഞ്ഞേക്ക് പിന്നെ അച്ഛനോടും”

അത് ഹർഷൻ പറഞ്ഞപ്പോൾ സാവിത്രിയമ്മയുടെ മുഖത്ത് ഒരു സംശയം നിലനിന്നു. വിശേഷം അവൻ കാർ എടുക്കാതെയാണ് വീട്ടിലേക്ക് പോയത്

വീട്ടിൽ ചെന്ന് കയറുമ്പോൾ ലക്ഷ്മിയമ്മ എന്തു പറ്റി എന്നൊക്കെ ചോദിച്ചു സ്ഥലം മാറിക്കിടുന്നത് കൊണ്ടാവുമെന്ന് പറഞ്ഞു അമ്മക്ക് സംശയം തോന്നിപ്പിക്കാതെ അവൻ റൂമിലേക്ക് പോയി