✮കൽക്കി࿐ (ഭാഗം – 26) വിച്ചു [ചെകുത്താനെ സ്നേഹിച്ച മാലാഖ ] 856

” മോൾക്ക് നടന്ന കഥ മുഴുവൻ അറിയാമോ …. ? ”
ഭാർഗവരാമൻ ആകാംഷയോടെ ചോദിച്ചു ….

” കുറേയൊക്കെ …. എല്ലാവരുടെയും സംസാരത്തിൽ നിന്ന് കുറേയൊക്കെ അറിയാം … എന്താ മുത്തശ്ശാ ……? ”

” എന്നാൽ മോള് അറിയാത്ത ഒരു കാര്യമുണ്ട് ….. ഈ ഹരി നാരായണൻ , അയാളാരെന്ന് സത്യത്തിൽ ആർക്കുമറിയില്ല …. എല്ലാവരുടെയും മനസ്സിൽ ഒരു നാടോടി , സ്നേഹിച്ച പെണ്ണിനെ ശർഭിണിയാക്കി ഒരു രാത്രി അവളോടൊപ്പം ഈ നാട് വിട്ടവൻ , ഇനിയും സത്യം തെളിയാത്ത ഒരു മരണത്തിന്റെ ഉത്തരവാദി .

അവനെ ഞാനും ഈ നാടും ആദ്യമായി കാണുന്നത് അന്നാ ആ മത്സരക്കളത്തിൽ വച്ചാ …. അന്ന് എതിരാളി ശേഖരൻ തമ്പിയെ ചതിയിലൂടെ വീഴ്ത്തിയപ്പോ അവൻ സ്വയം ഇറങ്ങി കളക്കളത്തിൽ …. ആ ഗുസ്തി മത്സരത്തിൽ ഒരടി പോലും തിരിച്ചടിക്കാനാകാതെ എല്ലാ പ്രഹരവും ഏറ്റ് വാങ്ങി അവൻ ആ കളിക്കളത്തിൽ വീണപ്പോ എല്ലാവരും അവനെ ഒരു പോലെ പരിഹസിച്ചു , കളിയാക്കി …… പക്ഷെ പെട്ടെന്ന് ആ സമയം പ്രകൃതി പോലും മാറി മറിഞ്ഞു ഒരു അൽഭുതം പോലെ , കത്തി ജ്വലിച്ച് നിന്ന സൂര്യൻ അന്ധകാരത്തിൽ മൂടി , ചുറ്റിലും പൊടിക്കാറ്റ് ആഞ്ഞ് വീശി , ക്ഷേത്ര മണികൾ ആ കാറ്റിൽ ആടിയുലഞ്ഞ് മുഴങ്ങി , എന്തിനേറെ പറയുന്നു മത്സരത്തിനായി കളിക്കളത്തിന് പുറത്ത് ബന്ധിച്ചിരുന്ന കുതിരകൾ പോലും ആ സമയം കെട്ടുകൾ പൊട്ടിച്ച് ഓടി മറഞ്ഞു ….

ആ മാറ്റത്തിന് ശേഷം പിന്നീട് എല്ലാവരും കണ്ടത് ഹരി നാരായണന്റെ താണ്ഡവമായിരുന്നു … അന്ന് തന്റെ എതിരാളിയെ കീഴ്പ്പെടുത്തി അവൻ ചേകവർ മനയുടെ മാനം കാത്തു . അന്ന് ഹരിയെ അങ്ങനെ ആരും വലുതായി ശ്രദ്ധിച്ചില്ല , വെറുമൊരു യോദ്ധാവ് അല്ലെങ്കിൽ ഒരു പോരാളി എന്ന നിലയിൽ മാത്രം കണ്ടു ….