✮കൽക്കി࿐ (ഭാഗം – 26) വിച്ചു [ചെകുത്താനെ സ്നേഹിച്ച മാലാഖ ] 868

” ഹ് ഒരു യോഗ്യത ……. ഇന്നിവിടെ കൂടി നിൽക്കുന്നവരിൽ ഏറ്റുവും യോഗ്യതയുള്ള ആളിന്റെ കയ്യിലേക്ക് ദീപം കൊടുക്കാൻ തന്നെയാ ഞാൻ പറഞ്ഞത് , ശേഖരൻ ഇന്നിവിടെ ഉണ്ടായിരുന്നെങ്കിൽ അയാളുമിത് തന്നെ പറഞ്ഞേനെ ….. മോളെ അത് വാങ്ങ് ….. ”

ഭാർഗവരാമൻ ഉറച്ച തീരുമാനത്തോടെ പറഞ്ഞു .

ഒരു ഞെട്ടലോടെ ദക്ഷ തന്റെ കൈ മുന്നിലേയ്ക്ക് നീട്ടിയതും പൂജാരി ഭയത്തോടെ അതൃപ്തിയോടെ അതവളുടെ കയ്യിൽ കൊടുത്തു ….

” നിങ്ങൾ വാ … ”

ഭാർഗവരാമൻ അതും പറഞ്ഞ് ആ കാവിനുളളിലേയ്ക്ക് നടന്നു പുറകെ അവരും … അൽപ്പ ദൂരം മുന്നോട്ട് നീങ്ങിയതും ദക്ഷ ഒന്ന് പാളി നോക്കി പുറകിലേക്ക് ….

” നോക്കണ്ട മോളെ മറ്റാരും വരില്ല … വരാൻ പാടില്ല അതാ രീതി …. ”

ഉടനെ ഭാർഗവരാമൻ പറഞ്ഞു , ശേഷം മരങ്ങൾ തിങ്ങി നിറഞ്ഞ ആ കാവിലൂടെ അവർ മുന്നോട്ട് നീങ്ങി .

ഒരു കാട് പോലെ തോന്നിക്കുന്ന അന്തരീക്ഷവും വിജനതയുമാണവിടെ … കുറച്ച് ദൂരം മുന്നോട്ട് പോയതും ഒരു പഴയ കൽമണ്ഡപം അവർ കണ്ടു . മരത്തിന്റെ വള്ളികളും ചെടികളും കരിയിലകളും കൊണ്ട് നിറഞ്ഞ ഒരു സ്ഥലം , കാഴ്ചയിൽ നുറ്റാണ്ടുകൾ പഴക്കമുള്ളതു പോലെ …. അൽപ്പം കൂടി അടുത്തേയ്ക്ക് പോയപ്പോഴാണ് അവിടെ
മുന്നിലുള്ള കൽവിളക്ക് ദീപം തെളിയിക്കാനായി ഒരുക്കി വച്ചിരിക്കുന്നതവർ കണ്ടത് ….

” മോളെ കണ്ടോ …. വിഗ്രഹം ഇല്ലത്ത ഒരു ക്ഷേത്രമാ ഇത് . ചേകവർ മനയുടെ യഥാർത്ഥ കുടുംബ ക്ഷേത്രം … ഇവിടെ ദീപം തെളിഞ്ഞതിന് ശേഷമേ കാലഭൈരവൻ ക്ഷേത്രത്തിൽ കൊടിയേറു അതാ രീതി …. മോള് പ്രാർത്ഥിച്ചിട്ട് ദീപം കൊളുത്തിക്കോളൂ …. ”

ഭാർഗവരാമൻ പറഞ്ഞു …