✮കൽക്കി࿐ (ഭാഗം – 26) വിച്ചു [ചെകുത്താനെ സ്നേഹിച്ച മാലാഖ ] 625

അവിടെ താഴെ എല്ലാവരും റെഡിയായിരിക്കുകയാണ് തങ്ങളുടെ കുടുംബ ക്ഷേത്രത്തിലെ കൊടിയേറലിൽ പങ്കെടുക്കാനായി , അപ്പോഴാണ് ദക്ഷയും അനുവും അവിടേയ്ക്ക് വന്നത് ….

” അച്ഛാ പതിനൊന്ന് മണിക്കാണ് കൊടിയേറ്റിനുള്ള സമയം കുറിച്ചിരിക്കുന്നത് , അച്ഛൻ സമയമാകുമ്പോൾ എത്തിയാൽ മതി ഡ്രൈവർ ഇവിടെ ഉണ്ടാകും …. ”

ശേഖരൻ തന്റെ അച്ഛനായ ഭാർഗവരാമനോടായി പറഞ്ഞു ….

” ദേവനും മഹേന്ദ്രനും …. ? ”

അയാൾ ചോദിച്ചതും …

” അവർ പുലർച്ചെ തന്നെ പോയി ഒപ്പം രഘു അളിയനും …. കൊട്ടാരത്തിലും വിഷ്ണു നാരായണ ക്ഷേത്രത്തിലും പോകേണ്ടതുണ്ട് … മത്സരത്തിന് അധിക ദിവസം ഇല്ലല്ലോ … പിന്നെ പുറം ദേശത്ത് നിന്ന് ഒരു പോരാളിയെ കണ്ടത്തി വച്ചിട്ടില്ലായിരുന്നോ അയാളും എത്തിയിട്ടുണ്ട് …. ”

ശേഖരൻ മറുപടി പറഞ്ഞതും ….

” ഹ് …. ഒരു മത്സരം …. ഇത്തവണയും ഒൻപത് കുടുംബക്കാർ മാത്രമല്ലേ ഉള്ളൂ …. എണ്ണം തികയ്ക്കാത്ത എന്ത് മത്സരം ….

തമ്പിയെ കാണാതായിട്ട് വർഷം ഇരുപത് കഴിഞ്ഞു … അയാളുണ്ടായിരുന്നെങ്കിൽ അയാളിറങ്ങുമായിരുന്നു കളിക്കളത്തിൽ ഒരുത്തനും തടയാൻ നിൽക്കില്ല …. രാജ്യത്തിനും രാജാവിനും വേണ്ടി എത്ര ചേകവരാ സ്വന്ത ജീവൻ കൊടുത്തിട്ടുള്ളത് …