Wonder

Author : Nikila

 

ഫ്രണ്ട്സ്, ആദ്യമായിട്ടാണ് ഞാനൊരു കഥയെഴുതുന്നത്. അതുകൊണ്ട് തന്നെ ഇതു എത്രത്തോള്ളം നന്നായിട്ട് പോകുമെന്ന് എനിക്കറിയില്ല. എങ്കിലും ഒരു ശ്രമം നടത്തി നോക്കുന്നു. എല്ലാവരുടെയും സപ്പോർട്ട് പ്രതീക്ഷിക്കുന്നു.

മറ്റൊരു കാര്യം ഈയൊരു പാർട്ട്‌ ഒരു ഇൻട്രോ പോലെ കൊടുത്തു കുറച്ചു പേജാക്കി എഴുതാനായിരുന്നു ഉദ്ദേശിച്ചത്. പക്ഷെ എഴുതി വന്നപ്പോൾ എല്ലാം കയ്യീന്ന് പോയി പേജിന്റെ എണ്ണവും ചെറുതായി കൂടി. അതുകൊണ്ട് തന്നെ ലാഗ്ഗടിയോ വെറുപ്പിക്കലോ ആയി തോന്നിയാൽ മുൻകൂട്ടി ക്ഷമ ചോദിക്കുന്നു. ഇനി കഥയിലേക്ക് പോകാം.

…………………………………………………………..

“മിഖി, എഴുന്നേൽക്ക്”

“ങ്ങുർർർ”

“മിഖി, എഴുനേൽക്കാനാ പറഞ്ഞേ”

“മ്ച്ചും”

എവിടെ, ഇവനിപ്പോഴും ഉറക്കത്തീ തന്നെ.

“നീ മര്യാദയ്ക്കു എഴുന്നേൽക്കുന്നുണ്ടോ ?” ഞാൻ കലിപ്പായിത്തുടങ്ങി. ഇവനും കൂടി വരാമെന്നു പറഞ്ഞതു കൊണ്ടാ. അല്ലെങ്കില് ഒറ്റയ്ക്ക് ഞാനെന്റെ പണിയും നോക്കി പോയേനെ.

“മിസ്സേ………, ങ്ങുർർർ…… ഹോം വർക്ക്‌ നാളെ ചെയ്താ പോരെ”.

നോക്കേണ്ട, ഇവൻ ഉറക്കപ്പിച്ചിലാ !

“ടാ”

“പിന്നേയ്…… ങ്ങുർർർ……, മിസ്സേ ഐ ലവ് യു”

“ങ്ങേ…. ഡാാാാ…..”

“വിൽ യു മാരി മീ”

അയ്യയ്യോ!!!!

“ക്യാൻ വി…….. ങ്ങുർർർ…… ക്യാൻ വി കിസ്സ് ഫോർ എവെർ……. ങ്ങുർർർ……”