Will You Marry Me…??? [ലങ്കാധിപതി രാവണന്‍] 175

അവളുടെ കണ്ണുകള്‍ നിറഞ്ഞു തുളുമ്പിയൊഴുകികൊണ്ടിരുന്നു.

എന്തിനാ ജോണിക്കുട്ടീ എന്നോടിതു മറച്ചു വെച്ചത്.കുഞ്ഞുന്നാളുമുതല് ജോണിക്കുട്ടീടെ പെണ്ണായിട്ടാ ഞാൻ ജീവിച്ചിരുന്നത്.നീയല്ലേ എന്നിൽ നിന്നുമൊഴിഞ്ഞു മാറിത്തുടങ്ങിയത്,നിനക്കു ചുറ്റും പെണ്‍കുട്ടികൾ നിറഞ്ഞു നിൽക്കുമ്പോഴുള്ളിൽ കരഞ്ഞു കൊണ്ടിരുന്ന എന്നെ നീ കണ്ടില്ല!
അവരുടെ ഇടയില്‍ നിന്നും കളിയായൊരു നോട്ടം പോലും നീയെനിക്കു നൽകിയില്ല!
നീയെന്നെ പിന്നെ ഒരിക്കല്‍ പോലുമെന്നോടു മിണ്ടിയിരുന്നോ ജോണിക്കുട്ടീ…
അതിൽ പിന്നാ ഞാനിങ്ങനെയായത്.എല്ലാ ആണുങ്ങളേയും ഞാൻ വെറുത്തു. അവരെയൊക്കെ എന്റെ പിന്നാലെ നടത്തി. നിനക്ക് കണ്ടു വിഷമം വന്നൊരിക്കലെങ്കിലും നീയെന്നോടു മിണ്ടാൻ വരുമെന്നു കരുതി.അന്നും ഇന്നും നീ എന്നെ തോൽപ്പിച്ചു കൊണ്ടിരിക്കുകയാണല്ലോ ജോണിക്കുട്ടീ…

അവന്റെ ഷർട്ടിൽ കുത്തിപ്പിടിച്ചവളലറി.അവളുടെ കരച്ചിലവന്‍റെ കാതുകളില്‍ നിറഞ്ഞു.

തന്റെ അപകർഷതയാണ് ലില്ലിയുടെ ഇന്നത്തെ അവസ്ഥയ്ക്കു കാരണമെന്നവനു മനസ്സിലായി.അവളൊരു പെണ്ണായതു മുതല്‍ അവൾക്കു താൻ യോഗ്യനല്ല എന്നു കണ്ടു പിന്മാറിയില്ലെങ്കിലിന്നവൾക്കിതു സംഭവിക്കില്ലായിരുന്നു.
ജോണിക്കുട്ടിയുടെ ഹൃദയം നുറുങ്ങി.
അവനവളെ വാരിപ്പുണർന്നു.അവളവന്റെ നെഞ്ചില്‍ ഇടിച്ചുകൊണ്ടിരിന്നു ക്രമേണ അവളാ നെഞ്ചില്‍ മുഖമമർത്തി അവന്‍റെ ഹൃദയതാളമാസ്വദിച്ചു നിന്നു.

അതേ,,,
ജോണിച്ചന്റെ ലില്ലിപ്പൂവേ,,,

എന്തോ

അതേ,,,

മൂന്നാലു കുട്ടികറുമ്പന്മാരുടേയും അഞ്ചാറു ലില്ലിപ്പൂക്കളുടേയും അമ്മയാവാനായിട്ട് ഒരു നുള്ള് പൊന്നിടാനീ കഴുത്തിലിച്ചിരെ സ്ഥലം തരുവോടീ.മരിക്കുമ്പോ ഒരു കല്ലറയിലൊരുമിച്ചുറങ്ങാം അത്രയേ ഞാൻ വാക്കു തരുന്നുള്ളൂ,പോരാവോ എന്റെ മക്കളുടെ അമ്മയായിട്ട്?