Will You Marry Me…??? [ലങ്കാധിപതി രാവണന്‍] 175

എല്ലാം മനസ്സിലാക്കി നിനക്ക് കൂട്ടായി അയാളെന്നുമുണ്ടാകും.പിന്നെ കാണാനും സുന്ദരനാണ് എന്നെപ്പോലെയല്ല!

ഓഹ്!
നീയുമെന്നെ കളിയാക്കുകയാണോ?

ന്റെ പെണ്ണേ കളിയാക്കിയതല്ല,ഒരു സത്യം പറഞ്ഞതാ.

ജോണിക്കുട്ടീ,
ഞാനൊന്നു ചോദിച്ചോട്ടെ, സത്യം പറയുമോ?

അതിനെന്താ നീ ചോദിക്ക്

നീയെന്താ കല്യാണം കഴിക്കാത്തത്?

ഓഹ്!
അതോ അത് നിനക്കൊരു കുടുംബമാകാതെ ഞാനെങ്ങാനും പോയാല്‍ ഒരു പക്ഷേ നീ പിന്നെയും തളർന്നു പോയാലോ എന്നു കരുതി. നിന്റെ കല്യാണം കഴിഞ്ഞാല്‍ ഉടനെ ഞാൻ കല്യാണം കഴിക്കും.

ശരിക്കും.

പിന്നേ,
ഉറപ്പല്ലേ,

ജോണിക്കുട്ടീ,
ഈ ഇരുപത്തൊമ്പത് വർഷത്തിനിടയിൽ എനിക്കിതു സംഭവിക്കുന്നതിനു മുമ്പ് ഒരിക്കലെങ്കിലും നീയെന്നെ ഇഷ്ടപ്പെട്ടിരുന്നോ?

അവളവന്റെ മുഖം കയ്യില്‍ പിടിച്ചു കണ്ണില്‍ നോക്കി ചോദിച്ചു.അവൻ മുഖം മാറ്റാൻ ശ്രമിക്കുമ്പോഴവനെ തടഞ്ഞവൾ ബലമായി പിടിച്ചു വെച്ചു.

ചില ഇഷ്ടങ്ങളങ്ങനെയാണ് ലില്ലിക്കുട്ടീ,
അതൊരിക്കലും ഒന്നു ചേരില്ല,പ്രകടിപ്പിക്കുവാനുമാകില്ല!
അതിലുമുപരി എനിക്ക് സ്വപ്നത്തില്‍ പോലും നിന്നെ ആഗ്രഹിക്കാനുള്ള അനുവാദമില്ല.എനിക്കു കയ്യെത്താത്ത വിധം ഉയരത്തിലാണ് നീ.
അന്നും ജോണിക്കുട്ടി നിന്നെ ഇഷ്ടപ്പെട്ടിരിന്നു.ഇന്നും അതൊട്ടും കുറയാതെ തന്നെ എന്റുള്ളിലുണ്ട്.