Will You Marry Me…??? [ലങ്കാധിപതി രാവണന്‍] 175

പിൻതിരിപ്പിച്ചിരുന്നു.അവളെല്ലാത്തിൽ നിന്നും ഓടിയൊളിച്ചു.ഹോസ്പിറ്റലിൽ നിന്നും വീട്ടിലെത്തി അവൾ റൂമിൽ തന്നെ കഴിച്ചു കൂട്ടി.ജോണിക്കുട്ടി എന്നും വന്നു അവരോടന്വേഷിക്കും.അവന്റെ ശബ്ദം കേൾക്കുമ്പോഴവൾ വാതിലടച്ചു കുറ്റിയിടും.അല്ലെങ്കിലവൻ അവളുടെ അടുത്തെത്തുമെന്നവൾക്കറിയാം.അവൻ വന്നു വാതിലിൽ തട്ടി അവസാനം തിരിച്ചു പോകും.എന്തുകൊണ്ടോ അവൾക്കവനെ കാണാൻ പറ്റുന്നില്ലായിരുന്നു.പലരും വന്നവളെ ഉപദേശിച്ചു. സഹികെട്ടു ജോണിക്കുട്ടിയവളെ കാണാന്‍ ചെന്നു. ഒന്നും മിണ്ടാതെ വന്നതുകൊണ്ടവൾ അവൻ വന്നതറിഞ്ഞില്ല.അവളുടെ റൂമിലെത്തി അവൻ മുരടനക്കി.ജനലിലൂടെ എങ്ങോ നോക്കി ആലോചിച്ചു നിന്ന ലില്ലി പെട്ടെന്നു ഞെട്ടി തിരിഞ്ഞു. അവനെ കണ്ട അവളുടെ കണ്ണുകള്‍ നിറഞ്ഞു.

എന്തിനാ വന്നത്?
വിരൂപയായ എന്നെ കണ്ടടസ്വദിക്കാനാണോ?
ഓഹ്!!!
ഞാനിതുവരെ ചെയ്തതെല്ലാം തിരിച്ചു ചെയ്യണമല്ലോ അല്ലേ ? ? ?

അവളുടെ ദേഷ്യവും സങ്കടവുമിട കലർന്ന ചോദ്യം കേട്ടവനൊന്നു ചിരിച്ചു.

ഒരാളെ അയാളുടെ അവസ്ഥയിൽ,അയാളുടെ വീഴ്ചയില്‍ കളിയാക്കുന്നവനോ അവിടെ ഉപേക്ഷിക്കുന്നവനുമല്ല യഥാര്‍ത്ഥ കൂട്ടുകാരൻ.അവനെ കൈകോർത്തു കൂടെ ചേർത്തു പിടിക്കുന്നവരാണ് ലില്ലി, യഥാര്‍ത്ഥ കൂട്ടുകാരൻ. നിനക്കില്ലാതെ പോയതും അല്ലെങ്കില്‍ നീ കാണാതെ പോയതും അങ്ങനെയുള്ള സൌഹൃദങ്ങളെയാണ്.പുറമേ കാണുന്ന സൌന്ദര്യമൊരു വെയിലു മതി വാടാൻ.പക്ഷേ മനസ്സുകൊണ്ടു തിരഞ്ഞെടുക്കുന്നവര് ഒരിക്കലും കൈവിടില്ല.നീ ഇങ്ങനെ അടച്ചിട്ട മുറിയില്‍ കിടക്കേണ്ടവളല്ല ലില്ലി.ആർക്കുമിവിടെ ജീവിക്കാന്‍ അവകാശമുണ്ട്.അങ്ങനെയുള്ളവരെ കണ്ടെത്തി സംരക്ഷിക്കാന്‍ ഒരു പക്ഷേ നിനക്കു സാധിക്കും.അവഗണനകളും കുത്തുവാക്കുകളുമുണ്ടാകും.അത് നമുക്ക് തളരാനല്ല ചവിട്ടി കയറാനുള്ള ചൂണ്ടു പലകയാക്കണം.അവിടെയാണ് പെണ്ണേ നിന്റെ വിജയം.നിനക്ക് ഒരു കൂട്ടുകാരനായോ സഹായിയായോ ഞാനെന്നുമുണ്ടാകും.നിന്റെയാ പഴയ കളിക്കൂട്ടുകാരനായിട്ട്

ഉപദേശിക്കാനാരെക്കൊണ്ടും പറ്റും.ആ അവസ്ഥയിലൂടെ കടന്നു പോകണം എന്നാലേ അറിയാനാവൂ…