വൈദേഹി [മാലാഖയുടെ കാമുകൻ] 2150

അവൾ അത് പറഞ്ഞു നിർത്തി..

“വാ ഒരുമിച്ചു കഴിക്കാം….”

അവൾ കേട്ടത് വിശ്വസിക്കാൻ വയ്യാതെ ഒരു നിമിഷം നിന്നു..

എന്നിട്ടു ബനിയൻ കെട്ടി വച്ചതു അഴിച്ചിട്ട ശേഷം അടുക്കളയിൽ പോയി..

ഞാൻ ചായയും എടുത്തു അകത്തേക്ക് ചെന്ന് ഡൈനിങ്ങ് ടേബിളിൽ ഇരുന്നു..

ഉപ്പുമാവ് ഒരു പ്ലേറ്റിൽ വിളമ്പി വെച്ചിട്ടുണ്ടായിരുന്നു. ഒപ്പം ഒരു സ്പൂണും.

അവൾ ഒരു പ്ലേറ്റിൽ കുറച്ചു എടുത്തു വന്നു അവിടെ ഇരുന്നു കഴിക്കാൻ തുടങ്ങി…

അവൾ കഴിക്കുന്നത് കാണാൻ നല്ല രസം.. അവസാനം ഞാൻ അത് ആസ്വദിച്ചത് കോഴിക്കോട് വച്ചാണ്…

“എന്നോട് ദേഷ്യം ഉണ്ടോ നിനക്ക്?”
ഞാൻ അവളോട് ചോദിച്ചു?

“ങേ? ഒരിക്കലും ഇല്ല ഏട്ടാ.. ഏട്ടനല്ലേ എന്നോട് ദേഷ്യം…”

അതിനു ഉത്തരം പറയാൻ എനിക്ക് കഴിയുന്നില്ല… എന്നാലും..

“എനിക്ക് ദേഷ്യം ഒന്നുമില്ല സഞ്ജന…”

എന്ന് ഞാൻ പറഞ്ഞു ഒപ്പിച്ചു.. അവൾ എന്റെ മുഖത്തേക്ക് ഒന്ന് നോക്കി..

ഞാൻ മെല്ലെ കഴിച്ചു.. ഇതിങ്ങനെ പോയാൽ ശരി ആകില്ല എന്നെനിക്കു തോന്നി…

ഈ മെന്റൽ കണക്ഷൻ ഉണ്ടാക്കി എടുക്കാൻ ശ്രമിക്കണം..

ഞങ്ങൾ പിന്നെ ഒന്നും സംസാരിച്ചില്ല.. എന്താ അറിയുന്നില്ല.. എന്തോ ഒരു തടസം ഞങ്ങൾക്കിടയിൽ ഉണ്ട്…

“ഇന്ന് ഒന്ന് നിന്റെ വീട്ടിൽ പോയാലോ?”

ഞാൻ അവളോട് ചോദിച്ചു…

“ഞാൻ ചോദിയ്ക്കാൻ ഇരിക്കുകയായിരുന്നു.. “

അവൾ ഒരു പുഞ്ചിരിയോടെ എന്നോട് പറഞ്ഞു..

കഴിച്ചു തീർന്ന പ്ലേറ്റ് എടുത്തു അവൾ പോയി..

ഞാൻ കുളിച്ചു ഒരു ജീൻസും ബനിയനും ജാക്കറ്റും ഇട്ടു ബൈക്കിന്റെ കീ എടുത്തു താഴേക്ക് ചെന്നു..

അതെ സമയം അവൾ കുളിക്കുകയായിരുന്നു..

ഞാൻ ഫോണിൽ കുത്തികൊണ്ടിരുന്നപ്പോൾ അവൾ ഡ്രസ്സ് മാറി വന്നു.
ഒരു ഇളം നീല ഫുൾ സ്ലീവ് ബനിയനും കറുത്ത പാന്റും ഒരു ഹീലും..

ഇപ്പോൾ ദേവി ലുക്ക് പോയി മോഡൽ ലുക്ക് ആയല്ലോ എന്ന് ഞാൻ മനസ്സിൽ ആലോചിച്ചു.

“പോകാം?”

അവൾ ചാവി ചട്ടിയിൽ വച്ച ശേഷം എന്നോട് ചോദിച്ചു..

“പോകാം…”

എന്ന് പറഞ്ഞു ഞാൻ ബൈക്കിൽ കയറി.
അവൾ കയറി രണ്ടുകാലും ഇരു വശത്തേക്ക് ഇട്ടു ഇരുന്നു..

എന്റെ തോളിൽ അവളുടെ നീണ്ട വിരലുകൾ ഉള്ള കൈ വച്ചു..

ഞാൻ ബൈക്ക് മുൻപോട്ടു വിട്ടു.
നല്ലൊരു ബേക്കറിയിൽ നിർത്തി കുറച്ചു അധികം പലഹാരങ്ങൾ വാങ്ങി..

ഇവളുടെ അനിയത്തി ഒരു കൊതിച്ചി ആണ്..

വീട്ടിൽ എത്തി.. അവളുടെ അച്ഛൻ ഓടി വന്നു കെട്ടിപിടിച്ചു..
വലിയ സ്നേഹം ആണ് എന്നോട്.. എനിക്കും അതെ..

അമ്മയും സ്നേഹവതി ആണ്.