ഉറുദുമാഷ് [Hyder Marakkar] 530

“””ഏഹ്ഹ……..”””

ഒരു   നിമിഷം  എനിക്ക്    ശ്വാസം   നിലച്ചത്   പോലെ  തോന്നി….. റെയിൽവേ   ട്രാക്കിൽ    ഒരു   മനുഷ്യരൂപം……

ഇത്രയും   നേരം   ഉറുദുമാഷിനെ   കുറിച്ച്   സംസാരിച്ചത്  കൊണ്ടാകാം  ആദ്യം   മനസ്സിലേക്ക്   വന്നത്  അതാണ്

പക്ഷെ   ദിത്തതല്ല…… ഉറുദുമാഷിന്   തലയില്ലെന്നല്ലേ   ജിത്തു   പറഞ്ഞത്,  ഇതിന്  തലയുണ്ട്….. അപ്പോ  വേറെ  ഏതോ  പ്രേതമാണ്…..

ട്രെയിൻ    അടുത്തടുത്   വരുന്നു,  പടച്ചോനെ  ഇത്   പ്രേതവും  മാങ്ങാത്തൊലിയും   ഒന്നുമല്ല,  ഏതോ  മണ്ടൻ   സൂയിസൈഡ്  ചെയ്യാൻ  നിൽക്കുകയാണല്ലോ……

ആ   തോന്നൽ   തലച്ചോറിലേക്ക്   ഓടിയതും  ഞാൻ   ചാടി  പിടങ്ങ്  ഓടി,  എങ്ങനെയും   അയാളെ  രക്ഷിക്കണം…

ട്രെയിൻ   തൊട്ടടുത്ത്   എത്തിയിരിക്കുന്നു….. അപ്പോഴാണ്  ആ   കണ്ണുകൾ   ഇറുക്കി  അടച്ചു  നിൽക്കുന്നത്  ഒരു  സ്ത്രീയാണെന്ന്   ഞാൻ   മനസിലാക്കിയത്…..

ഇല്ല   എനിക്ക്  രക്ഷിക്കാൻ   സാധിക്കില്ല, ഞാൻ   എത്തുന്നതിലും  മുന്നെ…..അയ്യോ……..

എന്റെ   കാലുകൾ   ഇടറി….. ട്രാക്കിന്  അടുത്ത്  എത്തുന്നതിന്   മുന്നെ  ഞാൻ  വീണു….

തീവണ്ടി   കടന്നു  പോയിട്ടും  ഞാൻ   മുഖം  ഉയർത്തി  നോക്കിയില്ല,  എനിക്ക്  പറ്റില്ല…… എന്റെ   കണ്മുന്നിൽ   വെച്ച്……….ഛെ……എന്നിട്ടും  എനിക്ക്  ഒന്നും  ചെയ്യാൻ   സാധിച്ചില്ല…………

“””ഹുത്കുഷി ഹിൽ നഹി ഹേ…… കേ  ശീക്കാൻ മർജായേഗാ………… “””””

ആരോ     എന്തോ    സംസാരിക്കുന്നതു കേട്ടാണ്  ഞാൻ  തലയുയർത്തി   നോക്കിയത്……

ഞാൻ   കണ്ട   കാഴ്‌ച……. ഒരു  തല  ഇല്ലാത്ത   രൂപം   ഇരുട്ടിലേക്ക്   നടന്നകലുന്നു…….

“””ആഹ്ഹ്ഹ്…….””””