ഉറുദുമാഷ് [Hyder Marakkar] 530

അപ്പോഴേക്കും  ബൈക്ക്  ഞങ്ങളുടെ   അടുത്ത്   എത്തിയിരുന്നു….. കൈ  കാണിച്ചതും  അത്  നിർത്തി,  ഒരു   മധ്യവയസ്ക്കൻ…. ഇവിടെ   എങ്ങും   കണ്ട്   പരിചയമില്ല…

“””ചേട്ടാ….. ഞങ്ങളെ  ബൈക്ക്   പെട്രോൾ   തീർന്നു,  ഒന്ന്   പമ്പിൽ   ഇറക്കി   തരോ??””””

“””ഓ   അതിനെന്താ   മോനെ…..വാ  കേറിക്കോ””””

പുള്ളി  ഉടനെ  സമ്മതം  മൂളി

“””ഡാ   ചെല്ല്”””””

പൊട്ടൻ  പൂ…..ഛെ…… പൂരം  കണ്ടത്  പോലെ   നോക്കി  നിന്ന   ജിത്തുവിനോട്  ഞാൻ   പറഞ്ഞതും  ആശാൻ   വേഗം  ബൈക്കിൽ  കയറി….

“””ഡാ   തിരിച്ച്   ഇങ്ങോട്ടും   വണ്ടി  കിട്ടുമ്പോഴേ   ഞാൻ   വരു  ട്ടോ….”””

ബൈക്ക്  മുന്നോട്ട്   നീങ്ങിയതും  അവൻ   തിരിഞ്ഞ്  നോക്കി  പറഞ്ഞു

ഞാൻ   എന്തേലും  ആവട്ടെ  എന്ന്  കരുതി  തലയാട്ടി….

*****

പഹയൻ   പോയിട്ട്   സമയം  കുറെ   ആയല്ലോ….. ഇനി  ഇപ്പോ  വണ്ടി  ഒന്നും  കിട്ടിയില്ലെന്ന്   പറഞ്ഞ്   വരാതിരിക്കുമോ??  ഹാ….. അവന്റെ  കാര്യമാണ്  പറയാൻ  പറ്റില്ല, പേടിത്തൂറി………..

ഫോണും  സ്വിച്ച്ഓഫ്  ആയത്ത്  കൊണ്ട്   സമയം   കളയാൻ   ഒരു   പിണ്ണാക്കുമില്ല,  ആ   ഉറുദുമാഷേങ്കിലും  വന്നിരുന്നെങ്കിൽ   എന്തെങ്കിലും   മിണ്ടിയും  പറഞ്ഞും  ഇരിക്കാമായിരുന്നു….

ച്ചൂ………………ചൂഗ്………ചൂഗ്ഗ്‌…….ച്ചൂ…………………………………………………..

അകലെ  നിന്നും  ട്രെയിൻ   വരുന്നുണ്ട്… ഇവിടെ  നിർത്തിയിരുന്നെങ്കിൽ   എങ്ങോട്ടേലും  കയറി  പോവാമായിരുന്നു, അത്രയ്ക്ക്  ബോർ  അടിക്കാൻ  തുടങ്ങി….