The wolf story 4 [Porus (Njan SK)] 175

തലങ്ങും വിലങ്ങും അടി കിട്ടിയ അയാൾ വേദന സഹിക്ക വയ്യാതെ അലറി വിളിച്ചു.

 

കലി തീരുന്ന വരെ അയാളെ പ്രഹരിച്ച ആദം ആ ടേബിളിന്റെ കാൽ ഒടിഞ്ഞു പോയതും ബാക്കിയുള്ള കഷ്ണം ദൂരേക്ക് വലിച്ചെറിഞ്ഞു.

 

പറയെടാ…. എവിടുണ്ടെടാ നീയൊക്കെ തട്ടിക്കൊണ്ട് വന്ന കുട്ടികൾ

 

ആദം അവന്റെ കഴുത്തിൽ കാലമാർത്തി വച്ചുകൊണ്ട് ചോദിച്ചു.

 

അയ്യോ ചേട്ടാ ഇനി എന്നെ തല്ലല്ലേ…. അവര് ഉള്ളിലുള്ള മുറിയിലുണ്ടേ

 

കൈകൾ കൂപ്പിക്കൊണ്ട് അയാൾ ആദത്തിന്റെ കാലു പിടിച്ചു.

 

അയാളുടെ കഴുത്തിൽ നിന്നും കാൽ പിൻവലിച്ച ആദം പതിയെ ഉള്ളിലേക്ക് നടന്നു.

 

അവിടെ ഒരു കുഞ്ഞു മുറി ഉണ്ടായിരുന്നു.

 

പുറത്തു നിന്നും അത്‌ ലോക്ക് ചെയ്തു വച്ചിരിക്കുന്നു.

 

ആ ലോക്ക് തുറന്ന് ആദം വാതിൽ തള്ളി തുറന്നുക്കൊണ്ട് ആ റൂമിലേക്ക് കയറി.

 

കരിയും പൊടിയും പിടിച്ച ആ റൂമിലെ ഒരു കോണിൽ അവർ തട്ടിക്കൊണ്ടു വന്ന മൂന്നു കുട്ടികളും ഉണ്ടായിരുന്നു.

 

ഇരുട്ട് നിറഞ്ഞ ആ മുറിയിൽ പ്രകാശം വന്നു നിറഞ്ഞതും മുന്നിൽ നിൽക്കുന്ന ചുവന്ന കണ്ണുകളും നഖങ്ങളും ഉള്ള ആദത്തെ കണ്ടു കുട്ടികൾ ഭയന്നു.

 

അവർ ഉറക്കെ കരഞ്ഞു വിളിച്ചു.

 

 

ആദം അവന്റെ മനസിനെ ശാന്തം ആക്കാൻ ശ്രെമിച്ചു എന്നാൽ കുറെ നേരം ദേഷ്യം ഉപയോഗിച്ചത് കൊണ്ട് അവനു ആ ശക്തിയെ എളുപ്പം ശാന്തം ആക്കാൻ സാധിച്ചില്ല……..

 

 

 

” നിങ്ങൾ ആരും പേടിക്കേണ്ട ഞാൻ നിങ്ങളെ ഇവിടുന്നു രക്ഷപ്പെടുത്താൻ വന്നതാണ് “…. ആദം പറഞ്ഞു