??സേതുബന്ധനം 1 ?? [M.N. കാർത്തികേയൻ] 358

വിരുമാണ്ടി ഒരു വിസിൽ അടിക്കുന്നു. ഒരു പരുന്ത് പറന്നു അയാളുടെ അടുത്ത് എത്തി. അയാൾ ഇലയിൽ എന്തോ കുത്തി കുറിച്ചു പരുന്തിന്റെ കാലിൽ കൊരുത്തു കൊടുത്തു.

“ഇത് നീ വൈദ്യൻ അവിടുന്നിന്റെ വീട്ടിൽ കൊണ്ട് കൊടുക്കണം. പോ പെട്ടെന്ന്.”

പരുന്തു അയാളെ ഒന്നു നോക്കിയ ശേഷം പറന്നു അകന്നു.

” വേലു ഇയാളെ വന്ന് പിടിക്ക്. സ്വാമി അയ്യ പൂജക്ക് പുറപ്പെട്ട് പോകും മുൻപ് നമുക്ക് അവിടെ എത്തണം. ”

“ആ ബാഗ് കൂടി എടുക്കാം. ഇയാളുടെ  ആവും. ”

വേലു ബാഗ് എടുത്തു തോളിൽ തൂക്കി.

അവർ സണ്ണിയെ എടുത്തു കൊണ്ട് മുന്നിലേക്ക് നടന്നു.

_________________________________

സ്വാമിജിയുടെ ആശ്രമം

സ്വാമിജി കതക് തുറന്ന് വെളിയിലേക്ക് വരുന്നു.

“ആ ആരിത് വൈദ്യനോ എന്താ ഇവിടെ?”

“സ്വാമിജി ഞാൻ ഒരു എഴുത്ത് കിട്ടിയിട്ട് വന്നതാ. ഒരാൾ അപകടത്തിൽ പെട്ട് ഗുരുതരാവസ്ഥയിൽ ഇവിടെ ഉണ്ട് എന്നാണല്ലോ എഴുത്തിൽ ഉണ്ടായിരുന്നത്.”

“ആ ചിലപ്പോ ഇങ്ങോട്ട് കൊണ്ട് വരുന്ന വഴിക്ക് എഴുതിയത് ആവും. താങ്കൾ കേറി വരൂ. നമുക്ക് അകത്തേക്ക് ഇരിക്കാം.”

“വേണ്ട സ്വാമിജി അവർ ദോ ഇങ്ങു എത്തി.”

“ആ ഇത്ര പെട്ടെന്ന് വന്നോ. ആ വരട്ടെ.”