??സേതുബന്ധനം 1 ?? [M.N. കാർത്തികേയൻ] 358

വിശന്നു പൊരിഞ്ഞു ഇരിക്കുന്ന അവന്റെ മുന്നിൽ ആവി പറക്കുന്ന പൊറോട്ടയും ബീഫും കൊണ്ട് വെച്ചു.

ഹോ മണം അടച്ചപ്പോ തന്നെ വയർ പകുതി നിറഞ്ഞു. ചൂട് കറിയിൽ മുക്കി ഒരു കഷ്ണം വായിലേക്ക് വെച്ചു. സൂപ്പർ. കുറച്ചു നേരം മതിമറന്നു ഞാൻ കണ്ണടച്ചു ഇരുന്നു. കണ്ണു തുറന്നപ്പോ ആ ചേട്ടൻ സണ്ണിയെ തന്നെ നോക്കി ഇരിക്കുന്നു.

“സാറേ ഒരു പ്ലേറ്റ് വഴറ്റിയ ബീഫ് കൂടി വെക്കട്ടെ.”

അവൻ വെക്കാൻ പറഞ്ഞു. എല്ലാം കൂടി ചേർത്തു ഒരു പിടി പിടിച്ചു. ഹോ മനസ്സും വയറും ഒക്കെ നിറഞ്ഞു. കൈ കഴുകാൻ എഴുന്നേൽക്കാൻ നേരം അയാൾ അവന്റെ മുന്നിൽ ചക്കരകാപ്പി കൊണ്ട് വെച്ചു.

(ഇനി ഞാൻ സണ്ണിയുടെ പക്ഷത്ത് നിന്ന് കൊണ്ട് കഥ പറയാം)

“ഇതെന്താ ചേട്ടാ ഞാൻ ചോദിച്ചു.”

” സാറേ ഇതൊരു പ്രത്യേക തരം കാപ്പിയാ. ഇവിടുന്നു കഴിക്കുന്ന ആൾക്കാർക്ക് എല്ലാം അവസാനം ഇത് ഫ്രീ ആണ്.”

ഞാനത് വാങ്ങി കുടിച്ചു.

ഹാ എന്താ ഒരു രുചി.

“ചേട്ടാ സംഗതി കൊള്ളാം. തിരിച്ചു വരുമ്പോൾ ഞാനിവിടെ കയറാം. ചേട്ടനൊരു സംഭവമാ.”

എന്റെ പ്രശംസക്ക് പാത്രമായി ഒരു ചെറു ചിരിയോടെ അയാൾ തല കുനിച്ചു.

“എന്നാൽ ഞാനങ്ങോട്ട് ഇറങ്ങട്ടേ .”

അയാൾ കൈ വീശി കാണിച്ചു. ഞാൻ പതിയെ മുന്നോട്ട് നീങ്ങി.

പോകുന്ന പോക്കിൽ മൊത്തം എന്റെ മനസ്സിൽ പപ്പയെ പറ്റി ഉള്ള ചിന്തകൾ ആയിരുന്നു. എന്റെ ഇഷ്ടത്തിന് ഇത് വരെ എതിര് നിൽക്കാത്ത പപ്പയുടെ.

പാലായിലെ ഒരു വലിയ കുടുംബത്തിലെ ഇളയ മകൾ ആയിരുന്നു മേഴ്സി എന്ന എന്റെ അമ്മ. അവരുടെ വീടിനു തൊട്ടടുത്തു ആണ് താമസം എങ്കിലും ആ വീട്ടുകാർക്ക് ദരിദ്രരായ പപ്പയുടെ കുടുംബത്തോട് മിണ്ടാൻ താൽപ്പര്യം ഇല്ലായിരുന്നു.

അഥവാ വല്ല ബന്ധവും ഉണ്ടായാൽ കാശ് കടം കൊടുക്കേണ്ടി വരും എന്ന് വെച്ചായിരിക്കും. പപ്പയും മമ്മയും സ്‌കൂൾ കാലഘട്ടത്തിൽ തന്നെ പ്രണയത്തിൽ ആയിരുന്നു. പിന്നീട് ജോലിക്കായി പപ്പ എറണാകുളത്തേക്ക് പോയി.