??സേതുബന്ധനം 1 ?? [M.N. കാർത്തികേയൻ] 358

എന്നാൽ സണ്ണിക്ക് ബിസിനസ്സിൽ താൽപ്പര്യം ഇല്ല. സിനിമാ പ്രാന്ത് ആണ്. ജോസഫ് ജയൻ സാറിന്റെ കടുത്ത ആരാധകനും സണ്ണി ലാലേട്ടനെ ചങ്കിൽ കൊണ്ട് നടക്കുന്ന സിനിമാപ്രേമിയും ആണ്.

മകനെ ബിസിനസ്സിൽ പിൻഗാമി ആക്കാനും അത് വഴി തന്റെ സാമ്രാജ്യം പൂർവാധികം ശക്തിയോടെ നിലനിർത്തി പോരാനും ആണ് ജോസഫിന്റെ ആഗ്രഹം.

എന്നാൽ സണ്ണിക്ക് സിനിമയാണ് ജീവൻ. സിനിമാ മോഹങ്ങളും സ്ക്രിപ്റ്റ് റൈറ്റർ ആകണം എന്ന ആഗ്രഹവും ഉള്ളിൽ പേറി നടക്കുന്ന ആളാണ് സണ്ണി. അച്ഛൻ ആവുമ്പോലെ ഒക്കെ പറഞ്ഞിട്ടും മകൻ കേൾക്കുന്നില്ല. അതിന്റെ വഴക്ക് ആണ് ഇപ്പൊ കഴിഞ്ഞത്.

കട്ടിലിൽ കിടന്നു കരയുമ്പോഴും അവൻ്റെ മനസ്സിൽ ഒരേയൊരു ചിന്തമാത്രം. സിനിമ. എങ്ങനെ എന്റെ ലക്ഷ്യത്തിൽ എത്തും. എനിക്ക് എന്റെ ലക്ഷ്യങ്ങൾ ആണ് വലുത്. ഞാനതിൽ വിജയിച്ചാൽ പപ്പ എന്നെ അംഗീകരിക്കും.

ലക്ഷ്യത്തിൽ എത്തി വിജയം വരിച്ചാൽ പിന്നെ പേടിക്കണ്ട. എങ്ങനെ എങ്കിലും പുള്ളിയെ പറഞ്ഞു പിണക്കം ഒക്കെ മാറ്റി ശെരിയാക്കാം.

അപ്പോൾ ഉറപ്പിച്ചു. സിനിമ തന്നെ ലക്ഷ്യം. ആ ലക്ഷ്യം നേടണമെങ്കിൽ ആദ്യം ഈ വീട് വിടണം.

താനിത്രയായും നാൾ വളർന്ന ഈ നാടും വീടും വിട്ട് ലക്ഷ്യ പ്രാപ്തിക്കായി ദൂരെ എവിടെ എങ്കിലും പോയി ശ്രമിക്കണം. അവസാനമായി ഇവിടെ നിന്ന് ഒന്നു കുളിച്ചിട്ട് ഇറങ്ങാം.

മഞ്ഞളും ചന്ദനവും ഒത്തു ചേർന്നാൽ സന്ദൂർ. പാട്ടും പാടി വിസ്തരിച്ച്‌ ഒരു കുളി തന്നെ നടത്തി. വെള്ളം പുറത്തു വീഴുമ്പോൾ വല്ലാത്തക ഒരു ഉന്മേഷം.

ഇനി എത്ര നാൾ കാക്കണം ഇവിടുന്നു കുളിക്കാൻ. കുളിയും കഴിഞ്ഞു ഡ്രെസ്സ് ഒക്കെ മാറ്റി. .മുൻപ് ടൂറിന് പോകാൻ വാങ്ങിയ ഒരു ബാഗ് ഉണ്ട് കയ്യിൽ. അതിൽ ആവശ്യത്തിന് ഉള്ള ഡ്രെസ്സ് എല്ലാം കയറ്റി വെച്ചു.

ഇനി ഇവിടെ നിന്ന് ചാടുന്ന ചടങ്ങ് ആണ്. ചോദിച്ചാൽ ചിലപ്പോ പപ്പ പിടിച്ചു പൂട്ടി ഇട്ടാലോ. ബൈക്ക് സോണിയുടെ വീട്ടിൽ വെച്ചിരിക്കുവാ. ചാവി പോക്കറ്റിൽ ഉണ്ട്. എ. റ്റി. എം കാർഡ് എടുത്തു പോക്കറ്റിൽ വച്ചു. അവസാനം ആയി അമ്മയുടെ ഫോട്ടോയിൽ ഒന്നു ഉമ്മ വെച്ചു . ബാൽക്കണിയിൽ നിന്ന് ഷെയ്ഡിൽ ഇറങ്ങി മതിൽ വഴി വെളിയിൽ എത്തണം. അഞ്ചു മിനിറ്റ് ആഞ്ഞു വെച്ചു നടന്നാൽ സോണിയുടെ വീടായി. ബൈക്കു എടുക്കുന്നു. നാട് വിടുന്നു.