??സേതുബന്ധനം 1 ?? [M.N. കാർത്തികേയൻ] 358

മമ്മയുടെ ആങ്ങള ഇവർ തമ്മിലുള്ള കത്തിടപാട് മനസ്സിലാക്കി പപ്പയുടെ വീട്ടിനു തീയിട്ടു. ആളപായം ഉണ്ടായില്ലെങ്കിലും ആകെ ഉള്ള കിടപ്പാടം പോയിക്കിട്ടി. കാര്യങ്ങൾ ഒക്കെ അറിഞ്ഞു പപ്പ തിരികെ വന്നു.

നാട്ടിലെത്തിയ പപ്പക്ക് കിട്ടിയത് ഗംഭീര സ്വീകരണം ആയിരുന്നു. പാപ്പച്ചൻ മുതലാളിയുടെ(മമ്മയുടെ അപ്പച്ചൻ) ഒരേയൊരു പെണ്കിടാവിനെ പ്രണയിച്ച ജോസഫിനെ വെട്ടി അരിയാൻ ഗുണ്ടകളും ആയാണ് സേവ്യർ(മമ്മയുടെ ആങ്ങള) വന്നത്.

അന്ന് അപ്പനും ഉറ്റ സുഹൃത്ത് മാത്തുകുട്ടിയും (സോണിയുടെ പപ്പ) ചേർന്ന് ഗുണ്ടകളെയും സേവ്യറിനെയും ചവിട്ടി കൂട്ടി പാപ്പാല തറവാട്ടിൽ (മാമയുടെ തറവാട്ട് പേര് ആണ്) കേറി മേഴ്സിയെയും വിളിച്ചിറക്കി എറണാകുളത്തേക്ക് ഷിഫ്റ്റ് ചെയ്തു.

അന്ന് മുതൽ അവരുടെ നാളുകൾ ആയിരുന്നു. ജോസഫും മാത്തുകുട്ടിയും ചേർന്നു കെട്ടിപ്പൊക്കിയ സാമ്രാജ്യം.

അപ്പന്റെ പെങ്ങളെ മാത്തുകുട്ടിച്ചായന് കെട്ടിച്ചു കൊടുത്തു അവർ അളിയനും അളിയനുമായി.

എന്നെയെയും സോണിയെയും ഏകദേശം ഒരേ സമയത്ത് ആണ് പ്രസവിച്ചിടുന്നത്. പ്രസവത്തോടെ എന്റെ അമ്മച്ചി പോയി.

സാധാരണ നിലയിൽ തള്ളയെ കൊന്നു ജന്മം കൊണ്ടവൻ എന്ന പേര് ചാർത്തി പപ്പ എന്നോട് വെറുപ്പ് കാണിക്കും എന്ന് എല്ലാരും കരുതി.

പക്ഷെ അതുണ്ടായില്ല. പപ്പക്ക് എന്നെ ജീവൻ ആണ്. എന്റെ ഇഷ്ടത്തിന് എതിര് നിൽക്കില്ല. അടിയും ഇടിയും പാട്ടും ഒക്കെ പഠിപ്പിച്ചു എന്നെ മിടുക്കൻ ആക്കി.

കുഞ്ഞിലെ തൊട്ട് എന്റെ കൂടെ സോണി എപ്പോഴും ഉണ്ടാകും. ഞങ്ങള് സഹോദരങ്ങളെ പോലെ ആണ്. എനിക്കൊരു പ്രശ്നം വന്നാൽ അവനും കൂടെ കാണും. ആ അവനോട് പോലും പറയാതെ ഉള്ള യാത്ര ആണിത്.

തിരിച്ചു ചെല്ലുമ്പോൾ അവൻ കൊറേ വഴക്ക് പറയും. കൊറേ അടിക്കും. എന്നിട്ട് അവസാനം കെട്ടിപ്പിടിച്ചു സോറി പറയും. തോളിൽ കൈയിട്ട് നടക്കും. അവൻ അത്രേ ഉള്ളൂ. ഞാൻ പിണങ്ങുന്നത് അവനു സഹിക്കൂല.

പക്ഷേ പപ്പക്ക് എന്ത് പറ്റി എന്നു മനസ്സിലാവുന്നില്ല. സാധാരണ എന്നോട് ഒന്നും നിർബന്ധം പറയുന്ന ആൾ അല്ല. ആദ്യമായാണ് എന്നോട് കടുപ്പിച്ച് ഒരു കാര്യം ആവശ്യപ്പെടുന്നത്. അതും ബിസിനസ്സ് ഏറ്റെടുത്തു പിൻഗാമി ആവണമെന്ന്.

എന്നിട്ടും ഞാനദ്ദേഹത്തിന്റെ ആവശ്യം പരിഗണിക്കാതെ വീട് വിട്ടിറങ്ങി. ദൈവം പൊറുക്കുകേല എന്നറിയാം. പക്ഷെ ഇഷ്ടം ഇല്ലാതെ ഞാൻ എന്ത് ചെയ്‌തിട്ടും കാര്യമില്ല. ഇഷ്ടം ഇല്ലാതെ നമ്മൾ ചെയ്യുന്ന കാര്യങ്ങൾ നമുക്ക് മാത്രമല്ല മറ്റുള്ളവർക്കും പ്രതികൂലം ആവാം.