??സേതുബന്ധനം 1 ?? [M.N. കാർത്തികേയൻ] 358

“എടാ സണ്ണി പാതിരായ്ക്ക് നീ ഇത് എങ്ങോട്ട് പോവുവാ”

“അപ്പന്റെ അമ്മാമ്മയുടെ വീട്ടിൽ പോയി ഒരു നാലഞ്ചു ദിവസം നിൽക്കാൻ പറഞ്ഞു. അങ്ങോട്ട് പോവുവാ”

“ആഹാ. നീ ഇങ്ങോട്ട് വാ.”

സണ്ണി ഫോൺ കട്ട് ചെയ്തു. എല്ലാം വളരെ രഹസ്യം ആയിരിക്കണം. തൽക്കാലം ആരും ഒന്നും അറിയണ്ട. അപ്പൻ എന്തായാലും കേസും പുല്ലും ഒന്നും കൊടുക്കാൻ പോവില്ല. ഇതിനു മുൻപും ഞാൻ ഇങ്ങനെ ആരോടും പറയാതെ പോയിട്ട് ഉള്ളത് കൊണ്ട് അങ്ങേര് പേടിക്കില്ല. എല്ലാം രഹസ്യമായി തന്നെ ഇരിക്കട്ടെ.

സണ്ണി വന്നപ്പോൾ ഗേറ്റും തുറന്നു മുൻവശത്ത് ലൈറ്റും ഇട്ട് ബൈക്കിന് മുകളിൽ ഇരിക്കുന്ന കൂട്ടുകാരനെ ആണ് കണ്ടത്. സണ്ണിയെ കണ്ടപ്പോ അവൻ എഴുന്നേറ്റു.

“ടാ അളിയാ രാത്രി ആണ് സൂക്ഷിച്ചു പോണേ. അവിടെ ചെന്നിട്ട് വിളിക്കാൻ മറക്കരുത്.”

സോണിയുടെ ചോദ്യത്തിന് അമർത്തി ഒരു മൂളൽ മറുപടി ആയി നൽകി കൊണ്ട് സണ്ണി വണ്ടി തിരിച്ചു. മീററിൽ കൂടി തന്റെ സുഹൃത്തിനെയും അവനൊന്നു നോക്കി.

കുറച്ചു ദൂരം അങ്ങനെ പോയി. പെട്രോൾ ഫുൾ ടാങ്ക് അടിച്ചു. രാത്രി ഒന്നും കഴിക്കാത്തത് കൊണ്ട് വയറാകെ ഒരു വല്ലായ്മ ഉണ്ട്. അടുത്തൊരു തട്ട് കട കണ്ടു. അവിടെ നിന്നും എന്തേലും കഴിക്കാം എന്ന് കരുതി സണ്ണി വണ്ടി ഒതുക്കി. കടയിൽ വേറെ കസ്റ്റമേഴ്‌സ് ഒന്നുമില്ല.

“ചേട്ടാ കഴിക്കാൻ എന്തുണ്ട്?”

“പെറോട്ടയും ബീഫും മതിയോ.”

“മതി ചേട്ടാ മതി. നല്ല ചൂടോടെ ആയിക്കോട്ടെ.”

ചേട്ടൻ ചിരിച്ചോണ്ട് ഒന്ന് നോക്കി.

അല്ലേലും മലയാളികൾക്ക് പെറോട്ടയും ബീഫും ഒരു വികാരം ആണ്. അത് ഉണ്ടേൽ സ്വർഗം കിട്ടിയ ഫീൽ ആണ്.