??സേതുബന്ധനം 1 ?? [M.N. കാർത്തികേയൻ] 358

പണ്ഡിതാണെന്നു തോന്നുന്നു എന്ന മുഖഭാവത്തോടെ നിൽക്കുകയാണ് മറ്റേയാൾ. സ്വാമിജി എന്നെ നോക്കി ഒന്ന് ചിരിച്ചു.

“താങ്കൾക്ക് പ്രാർത്ഥിക്കുന്ന ശീലമുണ്ടോ. ഉണ്ടെങ്കിൽ ഇവിടെ അടുത്ത കാവിലേക്ക് പോകാം. ആഗ്രഹങ്ങൾ ഒക്കെ നടക്കും.”

“സ്വാമിജി ദൈവം ഒരു കാവിലെ മാത്രം താമസക്കാരൻ അല്ല. വിശ്വം മുഴുവൻ നിറഞ്ഞു നിൽക്കുന്ന ശക്തിസ്രോതസ്സ് ആണ്. ഇവിടെ നിന്ന് പ്രാർത്ഥിച്ചാലും ഫലം ലഭിക്കും.

ഗീതയിൽ കൃഷ്ണ വചനമുണ്ടല്ലോ. വിശ്വാസിയും അവിശ്വാസിയും നല്ലവനും പാപിയും എല്ലാം എനിക് ഒരുപോലെ ആണെന്ന്. സബ്‌റോം കി സിന്തഖി ജോ കഭി നഹി കദം ഹോ ജാത്തി ഹേ എന്നാണല്ലോ.”

ഒന്നു കൂടി ആറാം തമ്പുരാൻ ഡയലോഗ് വീശി ഞാനൊന്ന് കസറി.

“അങ്ങേക്ക് കഴിക്കാൻ എന്തെങ്കിലും” അയാൾ ചോദിച്ചു

“ആവാം.”

അയാൾ തന്നെ ഒരു മണ്പാത്രത്തിൽ കഞ്ഞിയും കോരി കുടിക്കാൻ പ്ലാവില കരണ്ടിയും കൊണ്ട് തന്നു. ഞാനത് കോരി കുടിച്ചു. വിശപ്പ് ഉള്ളത് കൊണ്ടാവും. നല്ല രുചി. ആസ്വദിച്ചു തന്നെ അങ്ങു കുടിച്ചു.

കഞ്ഞി കുടിയും കഴിഞ്ഞു ഞാൻ നീണ്ടു നിവർന്നു കിടന്നു. ഹോ ഈ പരിപാടി കൊള്ളാം. നാല് ഡയലോഗ് വീശിയാൽ എല്ലാരും ഫ്ലാറ്റ്. സുഖ ജീവിതം. വെറുതെ ആണോ ആൾദൈവങ്ങളും മതം കച്ചവടം ആക്കുന്നവരും സുഖലോലുപതയിൽ കഴിയുന്നത്.

“സ്വാമി നേരത്തെ ഇവിടെ എന്തായിരുന്നു ഒരു പന്തംകൊളുത്തി പ്രകടനം ഒക്കെ .”

“അത് പന്തംകൊളുത്തി പ്രകടനം അല്ല. ഹോമം ആയിരുന്നു.”

“ഹോമമോ. എന്തിനു വേണ്ടിയുള്ള ഹോമം.”

“അതൊരു വലിയ കഥയാണ്. ”

“കഥയോ? എന്ത് കഥ?”

“അതേ കഥ തന്നെ. കൊടിയ ശത്രുതയുടെ കഥ. പോരാട്ടത്തിന്റെ കഥ. രാമ രാവണ യുദ്ധത്തിന്റെ കഥ. അനേകം പേരുടെ ജീവിതത്തിന്റെ നേർക്കാഴ്ച. എല്ലാ പ്രശ്നങ്ങളും തീർത്തു ഞങ്ങളെ രക്ഷിച്ച ഒരു വീരന്റെ കഥ. ”