??സേതുബന്ധനം 1 ?? [M.N. കാർത്തികേയൻ] 358

സത്യത്തിൽ ഞാൻ ചിരിച്ചത് അയാളുടെ കാണിച്ചു കൂട്ടലുകൾ കണ്ടപ്പോൾ എനിക്ക് ഓർമ വന്നത് പഞ്ചാബി ഹൗസിലെ കൊച്ചിൻ ഹനീഫ ചേട്ടൻ ദിലീപ് ഏട്ടനോട് പേരും ഊരും ചോദിക്കുന്ന രംഗമാണ്. അതോണ്ടാ ചിരിച്ചത്.

വിജയ് അണ്ണൻ ഫാൻ ആയ നമ്മളോട് ആണ് അവൻ തമിഴ് അറിയില്ലേ എന്ന് ചോദിക്കുന്നത്. ഇപ്പൊ കാണിച്ചു കൊടുക്കാം. പോക്കിരി സിനിമയിലെ ഇൻട്രോ ഡയലോഗ് തന്നെ എടുത്തങ്ങു വീശി.

“തമിഴ്നാട്ടിൽ എന്നെ പാത്ത് ഇന്ത കേൾവി കേൾക്കുറ മൊത ആൾ നീ താണ്ടാ. ഉന്ന തനിയാ വെച്ചു ഗൗനിക്കിറേൻ”.

അയാൾ പന്തം കണ്ട പെരുച്ചാഴിയെ പോലെ നിൽക്കുന്നു. അങ്ങേര് ചോദിച്ചതെന്താ. ഞാൻ പറഞ്ഞതെന്താ . കൈവിട്ടു പോയോ ഈശോയെ. ഇത്തിരി മാസ്സ് ആയിക്കോട്ടെ എന്ന് വെച്ച് പറഞ്ഞതാ.

വിജയ് അണ്ണൻ ചെയ്താൽ ആഹാ.. ഈ പാവം സണ്ണിക്കുട്ടൻ ചെയ്താൽ ഓഹോ.

ദൈവമേ ഇവന്മാർ പടമൊന്നും കാണില്ലായിരിക്കും. അതോണ്ട് ചിരിച്ചത് എന്തിനാ എന്ന് ചോദിച്ചാൽ എന്ത് പറയും. ഞാനതും ആലോചിച്ചു വെറുതെ ടെന്ഷന് അടിച്ചു. അയാൾ ഒന്നും ചോദിക്കാതെ വെളിയിലേക്ക് പോയി.

അയ്യേ ചുമ്മാ ടെൻഷൻ അടിച്ചു. അങ്ങേര് ഒന്നും ചോദിച്ചില്ലല്ലോ. ഞാൻ ചമ്മിപ്പോയെ.

ഉടനെ അയാൾ വേറൊരാളോടൊപ്പം കയറി വന്നു. പുതിയ ആൾ കാഷായ വസ്ത്രധാരി ആണ്. തേജസ്സുള്ള മുഖം. കണ്ടാൽ തന്നെ വണങ്ങാൻ തോന്നും. ഉണ്ണികളെ ഒരു കഥപറയാം സിനിമയിലെ ലാലേട്ടൻ താടിയും മുടിയും നരപ്പിച്ചാൽ എങ്ങനെ ഇരിക്കുമോ അത് തന്നെ ഇയാൾ.

അയാൾ എന്നെ നോക്കി ഒന്ന് ചിരിച്ചു. ഞാനും തിരിച്ചു ഒരു എ ക്ലാസ് ചിരി പാസ്സാക്കി. യാരിന്ത കബാലി എന്നു ഞാൻ മനസ്സിൽ ചോദിച്ചു.

അയാൾ എന്നെ നോക്കി ചോദിച്ചു.

“തമ്പി നീങ്ക മലയാളിയാ.”

ശെടാ മലയാളികളെ കണ്ടാൽ ഇവന്മാർ ഇതെങ്ങനെ മനസ്സിലാക്കുന്നു. സാധാരണ മലയാളിയെ അറിയാൻ കൂടെ താമസിപ്പിക്കണം. ഒരാഴ്‌ച കഴിയുമ്പോൾ കേറ്റി താമസിപ്പിക്കുന്നവൻ കുത്തുപാള എടുക്കും. ഇയാൾക്ക് എന്നെ കണ്ടപ്പോൾ തന്നെ പിടികിട്ടിയതിന്റെ ഗുട്ടൻസ് എന്താണാവോ. ആ എന്ത് പുല്ലേലും ആവട്ടെ

“തമ്പി നീങ്ക മലയാളിയാ.”

ഞാൻ വന്ത് മലയാളി. എങ്കപ്പാ വന്ത് മംഗോളി. അമ്മാ വന്ത് ബംഗാളി. ഇവൻ വന്ത് എരപ്പാളി നീങ്ക യാര് എന്നു ചോദിക്കണം എന്നുണ്ടായിരുന്നു.