??സേതുബന്ധനം 1 ?? [M.N. കാർത്തികേയൻ] 358

“മറ്റന്നാൾ കറുത്ത വാവ് ആണ്. അന്ന് രാത്രി പൂജക്ക് സമയം ആവുമ്പോൾ വരൂ.”

“ശരി സ്വാമിജി. വൈദ്യൻ അവിടെ നിന്നും ഇറങ്ങി നടന്നു.”

സ്വാമിജി തന്റെ മുന്നിൽ കിടക്കുന്ന സണ്ണിയെ ഒന്നി നോക്കിയ ശേഷം ആശ്രമം അടച്ചു അമ്പലത്തിലേക്ക് പോയി

കാടിനുള്ളിൽ ഉള്ള നൂറ്റാണ്ടുകൾ പഴക്കമുള്ള അമ്പലം ആണ്. പ്രതിഷ്‌ഠ ശിവലിംഗം ആണ്. ഒരുപാട് ചരിത്രം ഉറങ്ങുന്ന മണ്ണാണ്.

സ്വാമിജി പ്രാർത്ഥിച്ചു. മഹാദേവാ എന്റെ ആശ്രമത്തിൽ ഇന്ന് എത്തിയ ആ യുവാവിന് ഒരപകടവും വരരുതെ. അവനെ കാത്തു കൊള്ളണം. മറ്റന്നാൾ രാത്രി ആണ് പൂജ. അനുഗ്രഹിക്കണമേ.

ഒരു നാഗം ആലിന് മുകളിൽ നിന്ന് താഴേക്ക് വന്നു. സ്വാമിജിയുടെ കാലിൽ ഉരുമ്മി ശ്രീകോവിലിനുള്ളിലേക്ക് കയറി. ശിവ ലിംഗത്തിൽ ചുറ്റി ഫണം വിടർത്തി ആടുന്ന സർപ്പത്തെ സ്വാമിജി ആദരവോടെ തൊഴുതു.

_________________________________

(സണ്ണിയുടെ ഭാഗത്ത് നിന്ന് കൊണ്ടുള്ള കഥപറച്ചിൽ തുടരുന്നു)

ഞാൻ കണ്ണ് മെല്ലെ തുറന്നു. ഹൗ പെട്ടെന്ന് തന്നെ അടക്കേണ്ടി വന്നു. വെളിച്ചം കണ്ണിനെ ബലമായി അടപ്പിക്കുന്നു. കണ്ണു തുറക്കാൻ പറ്റുന്നില്ല. സൂര്യ പ്രകാശം ആണോ. അല്ലല്ലോ ഇത് കൊറേ പന്തം കത്തിച്ചു വെച്ചതിൽ നിന്ന് വരുന്ന വെളിച്ചമാണ്.

ഇതാരാ ഈ പാതിരാത്രി പന്തം കൊളുത്തി പ്രകടനം നടത്തുന്നത്. ആരായാലും അവന്റെ തല തല്ലി പൊട്ടിക്കണം. ഞാൻ എഴുന്നേൽക്കാൻ ശ്രമിച്ചു.

ആആആ ………. എന്ന് വിളിച്ചു ഞാൻ തറയിലേക്ക് തന്നെ ഇരുന്നു പോയി. തല പൊട്ടി പൊളിയുന്ന വേദന. എന്ത് പറ്റിയതാണ് തലക്ക്. ഞാൻ ഇതെവിടെയാ.

ഇതേതാ സ്ഥലം. ഞാനെങ്ങനെയാ ഇവിടെ എത്തിയത്. ദൈവമേ ആരെങ്കിലും കുടലും കിഡ്നിയും കുത്തി പറിക്കാൻ കൊണ്ട് വന്നതാണോ.

ഞാൻ കമഴ്ന്നു കിടന്ന് കൊണ്ട് ഒന്നാലോചിച്ചു. എന്താ സംഭവിച്ചത് എനിക്ക്.  ഞാൻ ഓർമകൾക്കൊപ്പം പിന്നിലേക്ക് പോയി.