??സേതുബന്ധനം 1 ?? [M.N. കാർത്തികേയൻ] 358

“ഡെയ്  വേലു, വിരുമാണ്ടി ഇങ്ങോട്ട് അകത്തേക്ക് കിടത്തു.”

“ആരാ ഇയാളെ ആദ്യം കണ്ടത്.”

“ഞാനാ സ്വാമിജി”. വിരുമാണ്ടി പറഞ്ഞു.

“എന്തെങ്കിലും ഇയാളുടേത് ആയിട്ട് ഉണ്ടോ.”

“ഈ ബാഗ് മാത്രമേ കണ്ടുള്ളൂ.”

“ആ നിങ്ങൾ പൊയ്ക്കോളൂ. ”

“ശെരി സ്വാമിജി.”

“അയ്യാ ഇയാൾക്ക് വല്യ പ്രശ്നം ഒന്നുമില്ല. വീഴ്ചയിൽ തല എവിടെയോ ഇടിച്ചത് ആണ്.

കുറുന്തോട്ടി നീര് തലയിൽ തേച്ചു കെട്ടണം.”

“ഡെയ് മുത്തു (വൈദ്യർ മൂപ്പന്റെ മകൻ) നീ ആടലോടകത്തിന്റെയും പാലയുടെയും ഇല പറിച്ചു കൊണ്ട് വാ.”

“ശെരി അപ്പാ.”

“വരുമ്പോൾ കുറുംതോട്ടി പറിക്കാൻ മറക്കണ്ട.”

ആ അവൻ നീട്ടി വിളിച്ചോണ്ട് ഓടി.

“ഒരു രണ്ടു ദിവസം അത്രയേ വേണ്ടി വരൂ. ആൾക്ക് കാര്യമായി ഒന്നും പറ്റിയിട്ടില്ല എന്നത് തന്നെ ഭാഗ്യം. ”

“അപ്പാ ദേ എല്ലാ സാധനങ്ങളും ഉണ്ട് ”

“നീ ഒന്നു സഹായിക്ക്. അയാളുടെ തല പൊക്കി വെക്കു.”

വൈദ്യൻ കുറുംതോട്ടി ഇടിച്ചു പിഴിഞ്ഞു സണ്ണിയുടെ തലയിൽ ആകമാനം തേച്ചു പിടിപ്പിച്ചു. പാലയുടെയും ആടലോടകത്തിന്റെയും ഇലകൾ തറയിൽ വിരിച്ചു അയാളെ അതിനു മുകളിൽ കിടത്തി.

“സ്വാമിജി ഞാനങ്ങോട്ട് പോകട്ടെ. വേറൊന്നും ചെയ്യണ്ട.

ഞാൻ 2 ദിവസം കഴിഞ്ഞു വരാം.”