സുഹൃത്തുക്കളെ ഞാനെന്റെ ആദ്യ സംരംഭവും ആയി വന്നിരിക്കുവാണ്. റീച്ചും ലൈക്സ് കമെന്റ്‌സ് വ്യൂസ് ഒക്കെ ആണ് ഞങ്ങളെ ഇതെഴുതാൻ പ്രേരിപ്പിക്കുന്നത്. അത് കിട്ടിയാൽ വീണ്ടും തുടർന്ന് വരാം. അത് എനിക്ക് വേണം. അത് നിങ്ങൾ എനിക്ക് തരണം.ഇടയിൽ ഒരു ഗസൽ ഉണ്ട്. കേൾക്കാതെ പോവരുത്. കേൾക്കാതെ പോയാൽ വൻ നഷ്ടം ആണ്. അപ്പൊ തുടങ്ങാം.

സേതുബന്ധനം 1

SethuBandhanam Part 1 | Author :  M.N. Karthikeyan

“അച്ഛാ എനിക്ക് സിനിമയിൽ എത്തണം. എന്റെ സ്ക്രിപ്റ്റ് കാത്ത് ആൾക്കാർ വരിവരിയായി നിൽക്കണം. ലാലേട്ടനെ വച്ചൊരു സിനിമ ചെയ്ത് ഇൻഡസ്ട്രിയുടെ തലവര തന്നെ മാറ്റി എനിക്ക് ഒരു പ്രത്യേക സാമ്രാജ്യം കെട്ടണം. എന്റെ ഏറ്റവും വലിയ ആഗ്രഹം ആണത്. പ്ലീസ് അച്ഛാ”.

“മോനെ സണ്ണി നിന്നോട് ആവും പോലെ ഞാൻ പറഞ്ഞു. എന്റെ ചിലവിൽ കഴിയുമ്പോൾ ഞാൻ പറയുന്നത് കേൾക്കണം. നീ നിന്റെ പൈസക്ക് എന്താ എന്ന് വെച്ചാൽ ആയിക്കോ. ടാ ഈ സിനിമ ഒക്കെ പുറത്തു നിന്ന് കാണാൻ രസമാ. നീ വിചാരിക്കും പോലെ അല്ല.

നിനക്ക് ജീവിതം എന്തെന്ന് അറിയാമോ. സ്വന്തമായി അനുഭവങ്ങൾ ഉണ്ടോ. തന്തയുടെയും തള്ളയുടെയും ഓശാരത്തിൽ കഴിയുമ്പോൾ ഇങ്ങനത്തെ വേണ്ടാത്ത പല ചിന്തകളും ഉള്ളിൽ കേറും. അതിനെ കയറിയ പോലെ അങ്ങു ഇറക്കി വിട്ടേക്കണം. നിന്നോട് ഞാൻ പറഞ്ഞു കഴിഞ്ഞു.

നീ തുടർപഠനത്തിനു ഓസ്‌ട്രേലിയയിലേക്ക് പോകുന്നു. ഇതിൽ ഇനിയൊരു മാറ്റം എന്റെ മോൻ പ്രതീക്ഷിക്കണ്ട.”

“അപ്പൊ എന്റെ ആഗ്രഹങ്ങൾക്ക് ഈ വീട്ടിൽ ഒരു വിലയുമില്ലേ. ഞാൻ നിങ്ങടെ മോൻ അല്ലെ. എനിക്കും ഉണ്ട് വാശി. ഞാൻ എനിക്ക് തോന്നുന്നതെ ചെയ്യൂ”.

“എന്റെ ചിലവിൽ കഴിയുമ്പോൾ അത് നടക്കില്ല. അങ്ങനെ വല്ല ദുരുദ്ദേശവും  ഉണ്ടെങ്കിൽ ഇപ്പൊ ഇറങ്ങിക്കോണം ഇവിടുന്നു. പൊന്നു മോൻ മനക്കോട്ട കെട്ടി കഷ്ടപ്പെടേണ്ട. സിനിമാക്കാരൻ ആവാൻ വെച്ച വെള്ളം അങ്ങു വാങ്ങി വെച്ചേക്ക്”.

അച്ഛനോടുള്ള വാശിക്ക് റൂമിന്റെ വാതിൽ വലിച്ചടച്ചപ്പോഴും സണ്ണിയുടെ ഉള്ളിലാകെ തീ ആയിരുന്നു. തന്റെ സ്വപ്നങ്ങൾക്ക് പിറകെ പോകണോ അതോ മാതാപിതാക്കളുടെ സ്വപ്നത്തിനു പിറകെ പോകണോ. നെഞ്ചിൽ എന്തോ കരിങ്കല്ല് കയറ്റി വെച്ച ഫീൽ.

ഇനി നായകനെ പരിചയപ്പെടുത്താം. നായകന്റെ പേരാണ് സണ്ണി തരകൻ. അച്ഛൻ പേരുകേട്ട ബിൽഡർ ആണ്. ജോസഫ് തരകൻ.

തരകൻ കൺസ്ട്രക്ഷൻസ്‌ എറണാകുളത്തെ പേരു കേട്ട കമ്പനി ആണ്. അമ്മ സണ്ണിയെ പ്രസവിച്ച ഉടൻ മരിച്ചു. ഒരേയൊരു മകൻ.

തന്റെ സാമ്രാജ്യത്തിന്റെ ഭാരം മുഴുവൻ മകനെ ഏൽപ്പിച്ചു വാർധക്യം സ്വസ്ഥമാക്കാൻ ആണ് ജോസഫ് തരകന്റെ തീരുമാനം.