റെജിയുടെ സുവിശേഷങ്ങൾ 2 [മനൂസ്] [Climax] 3163

അധികം വിദ്യാഭ്യാസം ഇല്ലാത്ത ദൈവഭയം ഉള്ളൊരു പാവമായിരുന്നു…

ഒരു ദിവസം സ്‌കൂളിൽ നിന്ന് അപ്പുറത്തെ വീട്ടിലെ ചേട്ടൻ വന്ന് വീട്ടിലേക്ക് വിളിച്ചോണ്ട് പോന്നു…

എന്നാ കാര്യമെന്ന് വീട്ടിലേക്ക് നടക്കവേ ഒരുപാട് തവണ ചോദിച്ചിട്ടും ആ ചേട്ടായി പറഞ്ഞില്ല…

വീടിന് അടുത്തെത്തിയപ്പോ കണ്ടത് കൂടി നിന്ന് എന്നെ കണ്ണീരോടെ നോക്കുന്ന ആളുകളെയാ..

എന്നെ കണ്ടതും അപ്പച്ചൻ കരഞ്ഞുകൊണ്ട് ഓടി വന്നു… അമ്മച്ചി പോയെടാ മോനെ എന്ന് പറഞ്ഞു എന്നെ കെട്ടിപ്പിടിച്ചു…

പറ്റിക്കാൻ പറയുവാന്ന ഞാൻ വിചാരിച്ചത് കേട്ടോ…

വൈകിട്ട് വരുമ്പോ എനിക് കള്ളപ്പം ചുട്ട് തരാന്ന് പറഞ്ഞ ആള് എവിടെ പോകാനാ…

ഞാൻ അകത്തോട്ട് ചെന്നപ്പോ അമ്മച്ചിയെ ആ വീട്ടിൽ കിടത്തിയെക്കുവാ…

ഞാൻ വിളിച്ചു… എഴുന്നേറ്റില്ല…

ഇടക്ക് എന്നെ പറ്റിക്കാൻ ഇങ്ങനെ കിടക്കുന്നതാ കള്ളി…

എന്റെ കണ്ണീര് കാണുമ്പോ ചിരിച്ചോണ്ട് എണീക്കും…

പക്ഷെ ഇത്തവണ എത്ര കരഞ്ഞിട്ടും എണീറ്റില്ല…

എല്ലാരും വന്ന് പിടിച്ച് മാറ്റാൻ നോക്കി… പക്ഷെ ഞാൻ അമ്മച്ചിയെ ചേർത്ത് പിടിച്ച് കരഞ്ഞു..

ആ 8 വയസ്സുകാരന് അത് താങ്ങാൻ പറ്റിയില്ല..

അമ്മച്ചിയില്ലാത്ത വീട് എനിക്ക് തടവറ ആയി..

ഒരുപാട് കരഞ്ഞു… ഒറ്റ ദിവസം കൊണ്ട് എന്റെ ജീവിതം മാറി..

പിന്നീട് എപ്പോഴോ വല്യമ്മച്ചി പറഞ്ഞു മരിക്കുന്നവർ ആകാശത്ത് നക്ഷത്രം ആകുമെന്ന്… അതാ എന്റെ അമ്മച്ചി…”

പറഞ്ഞു നിർത്തിയതും റിനിയുടെയും റിൻസിയുടെയും കണ്ണുകൾ നിറഞ്ഞൊഴുകിയിരുന്നു…