റെഡ് ഹാൻഡ് 3 [Chithra S K] 89

ഞാൻ നേരത്തെ പറഞ്ഞത് പ്രവർത്തികമാക്കും…ഓർത്തോ ”

അത്രയും പറഞ്ഞുകൊണ്ട് അയാൾ ഫോൺ കട്ട് ചെയ്തു.

എന്ത് ചെയ്യണം എന്നറിയാതെ വാഷ്റൂമിലെ കണ്ണാടിയിൽ അവൾ തന്റെ പ്രതിബിംബം നോക്കി നിന്നു.

ക്രൂരനാണ്…അയാളുടെ വഴിവിട്ട ജീവിതം കണ്ടുപിടിച്ച് ചോദ്യം ചെയ്തതിന് സ്വന്തം മകനെ തുടച്ചുനീക്കിയവൻ. അയാൾ ചെയ്യും എന്ന് പറഞ്ഞാൽ ചെയ്യും. പോവുക തന്നെ അല്ലാതെ തന്റെ മുന്നിൽ വേറെ വഴി കാണുന്നില്ല.

വാഷ് റൂമിൽ നിന്നും അവൾ പതിയെ തന്റെ ക്യാബിനിലേക്ക് നടന്നു. തന്റെ കസേരയിലേക്കിരുന്ന് മേശപ്പുറത്തേക്ക് തല വച്ചു. റീതു തന്റെ കസേര അവളുടെ അടുത്തേക്ക് വലിച്ചിട്ടു അവിടെ ഇരുന്നു.

” ഡി… എന്ത് പറ്റി നിനക്ക്.. ദേ ബ്യുറോ ചീഫ് ഇന്ന് നല്ല കലിപ്പിലാണ്… ഇങ്ങനെ കിടക്കുന്നത് കണ്ടാൽ അങ്ങേര് തുടങ്ങും ബാക്കി.. ”

ദക്ഷ പതിയെ ഡെസ്ക്കിൽ നിന്നും തല ഉയർത്തി.

” നീയിപ്പോൾ എന്നോട് സംസാരിക്കുന്നതും കണ്ടാൽ അതിലും വലിയ കലിപ്പാവും അദ്ദേഹം… ഞാൻ എന്റെ കൊച്ചിനെ ഓർത്തു കിടന്നതാ. ”

റീതു അവളുടെ കൈകൾ തന്റെ കൈകളോട് ചേർത്തു.

” നീ എന്തിനാ ഇങ്ങനെ ടെൻഷൻ ആകുന്നെ ഡോക്ടർ പറഞ്ഞില്ലേ ഒന്നുമില്ലെന്ന്… ഇത് അതൊന്നുമല്ല കാര്യം വേറെ എന്തോ ആണ്. ”

പെട്ടെന്നാണ് തന്റെ മുന്നിലെ ലാൻഡ്ഫോൺ ശബ്ദിക്കുവാൻ തുടങ്ങിയത്.അവൾ തന്റെ കൈകൾ അവളുടെ കൈകളിൽ നിന്നും വേർപ്പെടുത്തി ഫോൺ എടുത്തു.

” ദക്ഷ കം ടു മൈ റൂം ” അത് മാത്രം പറഞ്ഞു ഫോൺ കട്ട് ആയി.

” എടി.. എന്താണ്.. നീ കാര്യം പറ ” റീതു കസേരയിൽ നിന്നെഴുന്നേറ്റ ദക്ഷയുടെ കൈയിൽ പിടുത്തമിട്ടു.

ദക്ഷ അവളുടെ കൈ തന്റെ കൈയിൽ നിന്നും വെറുപ്പെടുത്തികൊണ്ട് പറഞ്ഞു.

” അലക്സ്‌ സർ ആണ്…ഒന്ന് ചെല്ലട്ടെ ഞാൻ വരാം… എന്നിട്ട് പറയാം ” ദക്ഷ അലക്സിന്റെ റൂം ലക്ഷ്യമാക്കി നടന്നു.

” എസ്ക്യൂസ്‌ മി സർ… മെ ഐ.. ”

കമ്പ്യൂട്ടറിൽ നിന്നും തല ഉയർത്തി ആ മനുഷ്യൻ അവളോട് അകത്തേക്ക്