റെഡ് ഹാൻഡ് 3 [Chithra S K] 89

**********************************************

നിന്റെ കാലടിയിൽ ജപ

തുളസി മലർ പോലെ…..

സ്നേഹമന്ത്രവുമായ

ഞാൻ കൂട്ടു നിന്നീടാം

ദക്ഷ തന്റെ തന്റെ മുഖം കഴുകിതുടച്ചു മൊബൈലിലേക്ക് കണ്ണോടിച്ചു. പരിചയം ഇല്ലാത്ത നമ്പർ. ട്രൂക്കോളറിൽ പേര് തെളിഞ്ഞു.

‘ ആനന്ദ് എം ക്കെ ‘

മനസിലാക്കുവാൻ അവൾക്ക് അധികനേരം വേണ്ടിവന്നില്ല. വിശ്വനാഥന്റെ മരിച്ചു പോയ മകന്റെ പേര്.

ആദ്യം ഒന്ന് പകച്ചെങ്കിലും അവൾ ഫോൺ അറ്റൻഡ് ചെയ്തു.

” ഹലോ ”

മറുതലക്കൽ നിന്നും ശബ്ദം വന്നു.

” വിശ്വനാഥൻ… നീ മറന്നിട്ടില്ലല്ലോ അല്ലേ ”

” നിങ്ങളെ മറക്കാനോ…പാറി പറക്കുവാൻ ആഗ്രഹിക്കുന്ന നിമിഷത്തിൽ എന്റെ എല്ലാം പിച്ചിചീന്തിയെറിഞ്ഞ നിങ്ങളെ ഞാൻ എങ്ങനെ മറക്കുവാൻ ആണ്… മൃഗം അല്ലെ നിങ്ങൾ മൃഗം ”

മറുതലക്കൽ അട്ടഹാസം മുഴങ്ങി..

” ഹ… ഹ… ഹ… ഹ ”

” ചിരിച്ചോ… ഇനി ചിരിക്കുവാൻ ചിലപ്പോൾ നിങ്ങൾ ഉണ്ടാവില്ല… എത്ര സ്ത്രീകളുടെ മാനം നിങ്ങൾ കവർന്നു… അവരുടെ ഒക്കെ.. എന്തിന് എന്റേതടക്കം ശാപം നിങ്ങളുടെ തലക്ക് മുകളിൽ നിൽക്കുന്നു… അതെല്ലാം ഫലിക്കുന്ന അന്ന് നിങ്ങൾ തീരും… ”

” പ്ഫാ… ചൂലേ നിർത്തെടി… എനിക്കറിയാം ജസ്റ്റിൻ മരിച്ചതിന്റെ പുറകിൽ നീ താനെയാണെന്ന്… നിന്നെ ഒരു കുഞ്ഞുപോലും അറിയാതെ പറഞ്ഞയക്കാൻ എനിക്കറിയാം.. പക്ഷേ ചെയ്യാത്തത് എന്റെ കഴിവ് കേടായി കാണുവാൻ നിൽക്കരുത്… അന്ന് ജസ്റ്റിൻ നിർബന്ധിച്ചത് കൊണ്ടു മാത്രമാണ് നിന്നെ വെറുതെ വിട്ടത് മറക്കരുത് നീ…”

അത്രയും പറഞ്ഞു കൊണ്ട് വിശ്വനാഥൻ ഒന്ന് നിർത്തി.പിന്നെ വീണ്ടും തുടർന്നു.

” എന്റെ ആൾക്കാർ പുറത്ത് നിൽക്കുന്നുണ്ട് നീ ഓഫീസിൽ നിന്നിറങ്ങി അവരുടെ ഒപ്പം അവർ പറയുന്ന സ്ഥലത്ത് എത്തണം… അതിനിടയിൽ അവിടെ ആരോടെങ്കിലും ഇതിനെ പറ്റി അറിയിക്കാൻ ശ്രെമിച്ചാൽ അറിയാലോ വിശ്വനാഥനെ… നിന്റെ ചെറുക്കൻ പിന്നെ ഭൂമിയിൽ നിന്നും പോകേണ്ടി വരും..ഇനി അവിടെ നിന്നും എങ്ങനെ ഇറങ്ങും എന്നോർത്ത് നീ പേടിക്കണ്ട അതിന് ഞാൻ വഴി കണ്ടിട്ടുണ്ട്… നിന്റെ ചീഫ് നിന്നെ വിളിക്കും…. ഇതിന്റെ ഇടയിൽ നിന്റെ ബുദ്ധി ഉപയോഗിച്ച് വലതും ഒപ്പിച്ചാൽ പെണ്ണെ അറിയാലോ