റെഡ് ഹാൻഡ് 3 [Chithra S K] 89

നിന്റെ പുറകിൽ നടക്കുന്ന പേപ്പട്ടികളെ അഴിച്ചുവിട്ട് നീ തന്നെ നടത്തുന്ന ഹർത്താലിന് അനുഭവിക്കുന്നത് നിന്നെയൊക്കെ ജയിപ്പിച്ചു വിട്ട പാവം.. പാവം…ജനങ്ങളാണെന്ന് കരുതിയാണ്. അതെന്റെ കഴിവ്കേടായി കണ്ടാൽ മോനേ രഘോത്തമ്മ…ഈ മുട്ടുകാൽ അങ്ങു കേറ്റി നീ പണ്ട് കുടിച്ച അമ്മയുടെ മുലപ്പാൽ പുറത്തുകൊണ്ടുവരും ഈ ശ്രീതു ”

ശ്രീതു എഴുന്നേറ്റു നിന്ന മുസ്തഫയോടായി പറഞ്ഞു.

” ഇക്കക്ക് തന്നത് തിരിച്ചു കൊടുത്തിട്ട് ഇവനെ തൂക്കി സ്റ്റേഷനിലേക്ക് കൊണ്ടുപോയ്ക്കോ…”

പിന്നെ ശ്രീതു ആ സ്ത്രീയുടെ നേരെ തിരിഞ്ഞു.എന്നിട്ട് ഗൗരവത്തോടെ പറഞ്ഞു.

” നാളെ രാവിലെ സ്റ്റേഷനിൽ നീ ഉണ്ടാവണം.”

കോൺസ്റ്റബിളിനെ അരികിൽ വിളിച്ച് തന്റെ പേഴ്സിൽ നിന്നും കുറച്ചു കാശ് എടുത്ത് കൊടുത്തു.

” ഇവളെ ഇവളുടെ വീട്ടിൽ ഏതെകിലും ടാക്സി വിളിച്ചു കൊണ്ടാക്കിയിട്ട് താൻ നേരെ സ്റ്റേഷനിലേക്ക് ചെന്നേക്ക്. ”

പിന്നെ തന്റെ വാഹനത്തിന് നേരെ നടന്നു.

” റാഫി… വിശ്വനാഥന്റെ വീട്ടിലേക്ക് വിട്. ”

പോലീസ് വാഹനം ബീക്കൺ ലൈറ്റിട്ട് വിശ്വനാഥന്റെ വീട്ടിലേക്ക് പാഞ്ഞു.

**************************************

സമയം പന്ത്രണ്ടുമണിയാകുന്നു.

ശ്രീതുവും ബാക്കിയുള്ള പോലീസ്കാരും ഉറക്കമൊഴിച്ചു കാവൽ നിൽക്കുന്നു. ഫോൺ റിംഗ് ചെയുന്നത് കേട്ട് ശ്രീതു പാന്റിന്റെ പോക്കറ്റിൽ നിന്നും ഫോൺ എടുത്തു.

” ആ സർ… ഇതുവരെ കുഴപ്പമില്ല…. ഓക്കേ സർ… ഇന്ന് അവൻ വരും അവനെ പൂട്ടുകയും ചെയ്യും… ഒക്കെ സർ ”

അവൾ ഫോൺ കട്ട് ചെയ്തു. ബാൽക്കണിയുടെ ചുവട്ടിൽ നിൽക്കുന്ന റാഫിയുടെ അടുത്ത് ശ്രീതു ചെന്നു നിന്നു.

” ജെയിംസ് സാറാണ് വിളിച്ചത്… ഇവിടെ എന്തായി എന്നറിയാൻ.ആ ചുവന്ന കൈപ്പത്തിക്കാരനെ ഇന്ന് പിടികൂടാൻ കഴിയും എന്ന് അദ്ദേഹത്തിന് നല്ല വിശ്വാസമുണ്ട്. “