രാക്ഷസൻ 3

Author : Führer

[ Previous Part ]

 

  ചുറ്റും നോക്കി ആരും തങ്ങളെ ശ്രദ്ധിക്കുന്നില്ലെന്ന്  ഉറപ്പു വരുത്തിയ ശേഷം ചുവരിന്റെ നടുക്കുള്ള കോളജിന്റെ ലോഗോ പതിപ്പിച്ച ചുവന്ന കര്‍ട്ടന്‍ തേന്‍മൊഴി വലിച്ചു നീക്കി.

അതിലേക്കു നോക്കിയ ആലീസ് ഞെട്ടിത്തരിച്ചു നിന്നപ്പോള്‍ ബാക്കി രണ്ടു പേരും വിടര്‍ന്ന കണ്ണുകളോടെ അവിടേക്കു നോക്കി.

പല വര്‍ണങ്ങള്‍ക്കു നടുവില്‍ ഒരു പെണ്‍കുട്ടിയെ ചേര്‍ത്തു പിടിച്ചു നിക്കുന്ന യുവാവിന്റെ ചിത്രമായിരുന്നു അത്. ജീവന്‍ തുടിക്കുന്ന ചിത്രം.

ആലീസ് അതിലേക്കു കണ്ണെടുക്കാതെ നോക്കി. ചിത്രത്തിലെ യുവാവിൻ്റെ മുഖം അലോകിന്റേതാണെന്ന് അവള്‍ അവള്‍ ഭീതിയോടെ തിരിച്ചറിഞ്ഞു.

അലോക്.. അവളുടെ അധരങ്ങള്‍ മന്ത്രിച്ചപ്പോള്‍ മറ്റുള്ളവര്‍ അവളെ നോക്കി.

അവള്‍ക്കു ദേഷ്യം വരുന്നുണ്ടായിരുന്നു. അവളാ ചിത്രത്തിലേക്കു തന്നെ നോക്കി നിന്നു.

കൈയ്യൂക്കിന്റെ പേരില്‍ ഇയാള്‍ക്കൊക്കെ എന്തും ചെയ്യാമെന്നാണോ.. വീട്ടില്‍ വരയ്ക്കാന്‍ ഭിത്തിയൊന്നും ഇല്ലാഞ്ഞിട്ടായിരിക്കും  കോളജില്‍ പടം വരച്ചു വെപ്പിച്ചിരിക്കുന്നത്.. ആലീസ് അമര്‍ഷത്തോടെ പറഞ്ഞു നിര്‍ത്തി. എല്ലാവരുടെയും ശ്രദ്ധ അവളുടെ നേര്‍ക്കായിരുന്നു.

തേന്‍മൊഴി അവളേ തുറിച്ചു നോക്കി. അവള്‍ പറഞ്ഞതൊന്നും അവള്‍ക്കു ഇഷ്ടപെടുന്നുണ്ടായിരുന്നില്ല.

നിനക്കും ഇയാളെ അറിയാമോ. മായയുടെ ചോദ്യം കേട്ട് ആലീസ് അവരെ നോക്കി.

ഒരിക്കല്‍ കണ്ടിട്ടുണ്ട്.

പിന്നെ ഞാന്‍ കണ്ണു തുറന്നതു ഹോസ്പിറ്റലില്‍വെച്ചാ…ആലീസ് നെടുവീര്‍പ്പോടെ പറഞ്ഞു.

നീ എന്താടി പിച്ചും പേയ്യും പറയുന്നത്… കൃഷ്ണ ചോദിച്ചു.
ഒന്നു തെളിച്ചു പറ. നിനക്ക് എങ്ങനെയാ പരിചയം.

എന്റേടീ ഞാന്‍ ഇയാളെ ഒരിക്കലേ കണ്ടിട്ടുള്ളു. ഞാന്‍ ചെന്നയില്‍ വന്ന ദിവസം. അതോടെ എനിക്കു മതിയായി..

മനുഷ്യത്തമെന്താണെന്നറിയാത്ത ചെകുത്താനാ ഇത്. ചെകുത്താൻ.. അലോക് ഒരാളുടെ കണ്ണുകള്‍ ചൂഴ്‌ന്നെടുക്കുന്ന ചിത്രം  മനസിലേക്കു കടന്നുന്നും അവള്‍ കണ്ണുകള്‍ ഇറുക്കിയടച്ചു.