രാക്ഷസൻ 3 [FÜHRER] 324

ആരായിരിക്കും അവള്‍. അവനോട് ഒരു ഭയവുമില്ലാതെ ചേര്‍ന്നു നില്‍ക്കാന്‍ അവള്‍ക്കെങ്ങനെ കഴിഞ്ഞു. അവള്‍ മനസില്‍ പലതും ചോദിച്ചു. അതിന്റെ ഉത്തരം മൊഴിക്ക് അറിയാമെന്നും അവളോട് ചോദിക്കണമെന്നും ആലീസ് കണക്കു കൂട്ടി.

        കോളജില്‍ നിന്നും തിരിച്ചു വീട്ടിലേക്കുള്ള യാത്രയ്ക്കിടയില്‍ അലോകിന് ആലീസിന്റെ മുഖം ഓര്‍മ്മ വന്നു. കഴിഞ്ഞ ദിവസം റെയില്‍വേ സ്‌റ്റേഷനില്‍ വെച്ചു അലക്‌സിനൊപ്പം നിലവിളിച്ചു ബോധം കെട്ടു വീണ അവളെ അവന്‍ കണ്ടിരുന്നു.

അതാണു പെണ്ണിനു തന്റെ മുഖത്തേയ്ക്കു നോക്കാന്‍ മടിയെന്ന് അവനു മനസിലായി. അവന്‍ യാത്രക്കിടെയില്‍ അവനെ കുറിച്ചു ചിന്തിച്ചു.

തന്റെ ജീവതം ഇപ്പോൾ ഇങ്ങനെയാണ്… പലര്‍ക്കും കാണുന്നതു തന്നെ ഭയം. ചിന്തകള്‍ അവനെ വര്‍ഷങ്ങള്‍ പിന്നോട്ടു ചിന്തിപ്പിച്ചു.

പത്താം വയസില്‍ രക്തത്തില്‍ കുളിച്ചു പോലീസ് സ്‌റ്റേഷന്റെ പടികള്‍ നടന്നു കയറിയ രാത്രിയെക്കുറിച്ച്.

പത്തു വയസുവരെ അലോകിന്റെ ജീവിതം സ്വര്‍ഗ തുല്യമായിരുന്നു.

പുരാതന കുടുംബത്തിലെ അംഗമായ ഹരീന്ദ്ര നാഥിന്റെയും മുംബൈയില്‍ സ്ഥിര താമസമാക്കിയ മലയാളി കുടുംബത്തിലെ സുമിത്രയുടെയും മകന്‍. അവന്റെ അമ്മ സുമിത്രയാണവനു പേരിട്ടത്.
അലോക് നാഥ് ആത്രേയ.
പത്തുവര്‍ഷങ്ങള്‍ അവരുടെ സ്‌നേഹ ലാളനകളേറ്റ് അവന്‍ വളര്‍ന്നു.

ആ സ്‌നേഹ വാത്സല്യങ്ങള്‍ അവസാനിച്ച ശപിക്കപ്പെട്ട ദിവസം അവന്റെ പിറന്നാളായിരുന്നു. അന്നു അലോകിന്റെ ജീവിതം മാറിമറിഞ്ഞു.

പിറന്നാളിന് അമ്മയുണ്ടാക്കുന്ന പാലട പ്രഥമന്‍ കഴിക്കാനായി സ്‌കൂള്‍ വിട്ടു വീട്ടിലേക്കേടിയെത്തിയ അലോകിനെ കാത്തിരുന്നതു ചോരയില്‍ കുളിച്ചു കിടക്കുന്ന രണ്ടു ശരീരങ്ങളാണ്.

തന്റെ അച്ഛന്റെയും അമ്മയുടെയും ചേതനയറ്റ ശരീരം കണ്ട അവന് ഒന്നലറി കരയാനുള്ള ശക്തി പോലുമുണ്ടയില്ല.