രാക്ഷസൻ 2 [FÜHRER] 335

ദിവസങ്ങള്‍ കടന്നു പോയി ആലീസ് മെഡിക്കല്‍ കോളജില്‍ അഡ്മിഷന്റെ തിരക്കുകളില്‍ മുഴുകി. അന്നത്തെ സംഭവങ്ങള്‍ അവള്‍ ഓര്‍ത്തെടുക്കാന്‍ പിന്നടു ശ്രമിച്ചില്ല. പക്ഷേ, കണ്ണടച്ചാല്‍ ആ സംഭവം അവളുടെ മുന്നില്‍ തെളിഞ്ഞു വരും. അത് അവളെ തളർത്തി. അവളുടെ മാറ്റം മനസിലായ അലകസ് അവളെ പതിയെ മാറ്റിയെടുത്തു.

അഡ്മിഷന്റെ നടപടിക്രമങ്ങള്‍ പൂര്‍ത്തീകരിച്ചു അവള്‍ ക്ലാസിലേക്കു പോയി.

ആദ്യ ദിവസമാണ് അതിന്റെ ആശങ്കയും അതിലുപരി ഭാവിയേ കുറിച്ചുള്ള ആകാംഷയുമായി ഇസ കോളജിന്റെ കവാടത്തിനു മുന്നില്‍ നിന്നു.

അവളെ കോളജിന്റെ മുന്നില്‍ ഇറക്കി വിട്ട ശേഷം ആരയോ കാണാനുണ്ടെന്നു പറഞ്ഞു അലക്‌സ് വണ്ടിയുമായി പോയിരുന്നു. അവൾ ക്ലാസ് ലക്ഷ്യമാക്കി നടന്നു.

ആദ്യ ദിനമായതു കൊണ്ടു കോളജ് ഡീനിന്റെ ഇൻട്രൊഡക്ഷൻ ആയിരിക്കും ഉണ്ടാകുകയെന്ന് അലക്‌സ് അവളോടു പറഞ്ഞിരുന്നു.. ക്ലാസ് മുറി അഡ്മിഷന്റെ സമയത്തു തന്നെ കാട്ടി തന്നതുകൊണ്ട് അധികം അലഞ്ഞു നടക്കാതെ അവൾക്ക് ക്ലാസ് കണ്ടു പിടിക്കാന്‍ പറ്റി.

ആണ്‍ കുട്ടികളും പെണ്‍ കുട്ടികളുമാധി നാല്‍പതോളം പേര്‍ ക്ലാസില്‍ ഉണ്ടായിരുന്നു. ക്ലാസില്‍ കയറി സൈഡ് സീറ്റു കണ്ടു പിടിച്ച് അവള്‍ ഇരുപ്പുറപ്പിച്ചു. പിന്നാലെ അടുത്തിരുന്നവരെ അവള്‍ പരിചയപ്പെട്ടു. രണ്ടു മലയാളി കുട്ടികള്‍ അതില്‍ ഉണ്ടായിരുന്നു.. കൃഷ്ണ പ്രഭയും മായയും..

പിന്നെ അവരോടൊപ്പം ഉള്ളത് ഒരു തമിഴത്തികുട്ടിയാണ്. പേര് തേന്‍മൊഴി… അവളുടെ അച്ഛന്‍ ആത്രേയ ഗ്രൂപ്പിന്റെ കീഴിലാണു ജോലി ചെയ്യുന്നത്. അവള്‍ പരിചയപ്പെട്ടതുമതല്‍ വാതോരാതെ ഓരോന്നും പറയുന്നുണ്ട്. പെട്ടന്നു തന്നെ അവർക്കിടയിൽ ഒരു സൗഹൃദം രൂപപ്പെട്ടു.

അതിനിടയ്ക്കാണു കോളജ് ഡീന്‍ ക്ലാസിലേക്കു വന്നത്.. അതോടെ ക്ലാസ് നിശബ്ദമായി.. സ്വയം പരിചയപ്പെടുത്തിശേഷം അയാള്‍ മെഡിക്കല്‍ ഫീല്‍ഡിനെപ്പറ്റിയും ഒരു ഡോക്ടര്‍ എന്തായിരിക്കണമെന്നതിനെ പറ്റിയുമെല്ലാം പറഞ്ഞു കൊണ്ടിരുന്നു.. ഒരു മണിക്കൂര്‍ അദ്ദേഹത്തിന്റെ ക്ലാസ് തുടര്‍ന്നു.

ക്ലാസ് അവസാനിപ്പിച്ച ശേഷം ഡീന്‍ അവരെ നോക്കി.