ഒരു വേശ്യയുടെ കഥ – 19 3986

പാവമാണെന്നു കരുതി ഒരു മനുഷ്യനെ ചൂഷണം ചെയ്യുന്നതിനും ഒരു പരിധിയൊക്കെയുണ്ട് ……
ഇനി എണ്ണ തേപ്പിച്ചു കഴിഞ്ഞാൽ ചിലപ്പോൾ മായേ കുളിപ്പിക്കുമോയെന്നും ചോദിക്കുമായിരിക്കും……!

അങ്ങനെയൊക്കെ പിറുപിറുത്തുകൊണ്ട് കയ്യിലുള്ള വെളിച്ചെണ്ണയും സോപ്പും ബ്രഷുമൊക്കെ ശക്തിയോടെ മേശമേൽ വച്ചശേഷം സാരിയുടെ മുന്താണി തുമ്പെടുത്തു അരയിൽ തിരുകികൊണ്ട് പതിവുശൈലിയിൽ ഭരതനാട്യകാരിയാകുന്നത് കണ്ടപ്പോൾതന്നെ അവൾ എണ്ണതേച്ചുതരുവാനുള്ള പുറപ്പാടിലാണെന്നും മനസ്സിലായപ്പോൾ പുറമേ ഊറിച്ചിരിച്ചേങ്കിലും സ്നേഹം വിങ്ങുന്ന മനസ്സോടെ ഉള്ളിന്റെയുള്ളിൽ……
“സ്നേഹിക്കുവാൻ എന്റെ പാവം മായയെന്നു…. ആയിരം വട്ടം അയാൾ മനസ്സിൽ മന്ത്രിക്കുന്നുണ്ടായിരുന്നു ……!

രണ്ടുമൂന്നു ദിവസമായില്ലേ….. എണ്ണതേക്കാത്തതു
അതുകൊണ്ട് അതുകൊണ്ട് നല്ലപോലെ തലയിൽ മസാജ് ചെയ്തു തടവണം കേട്ടോ …..
എങ്കിലേ എണ്ണ ശരിക്കും തലയിൽ പിടിക്കുകയുള്ളൂ ……”

പ്ലാസ്റ്റിക് കുപ്പിയിൽ നിന്നും വലതു കൈ കുമ്പിളിൽ പകർന്ന വെളിച്ചെണ്ണയുമായി അവൾ അടുത്തേക്ക് വരുന്നതു കണ്ടപ്പോഴാണ് ചിരിയോടെ അയാൾ പറഞ്ഞത് .

“മായേ….
നല്ലോണം മെസ്സേജ് ചെയ്യണമെന്നല്ല …..!സമയത്തിനും സന്ദര്ഭത്തിനും അനുസരിച്ചു ഓരോ കുബുദ്ധി ഉദിക്കുന്ന ഈ തല തന്നെ മുറിച്ചു മാറ്റിയാലോയെന്നാണ് ഞാനിപ്പോൾ ആലോചിക്കുന്നത്…….!

താൻ പറഞ്ഞതു കേട്ടതും ദേഷ്യത്തോടെ കൊഞ്ഞനം കുത്തിക്കൊണ്ടുള്ള അവളുടെ മറുപടി കേട്ടപ്പോൾ അയാൾ പൊട്ടിച്ചിരിച്ചുപോയി.

“എന്റെ ഈശ്വരൻമാരെ ……
ഇരുപത്തിയേഴ് വർഷമായി തലയ്ക്കു സ്ഥിരതയില്ലാത്ത എന്റെ അമ്മയുടെ കൂടെ ജീവിക്കുന്നുണ്ടെങ്കിലും എനിക്കും പ്രാന്താകുമെന്ന് ഇതുവരെ തോന്നിയിട്ടില്ല……
ഇവിടെയിപ്പോൾ ഒരു നട്ടപ്രാന്തന്റെ കൂടെ രണ്ടുദിവസം താമസിച്ചപ്പോൾ തന്നെ എനിക്കും പ്രാന്തായി തുടങ്ങിയെന്നാണ് തോന്നുന്നത്…”

അയാളുടെ തല മുന്നോട്ടും പിന്നോട്ടും ആട്ടിക്കൊണ്ടു ദേഷ്യത്തോടെ അമർത്തി എണ്ണതേച്ചു കൊടുക്കുന്നതിനിടയിണ് അവൾ പിറുപിറുത്തത് .

“ങ്ങാഹാ…..ഒറ്റദിവസംകൊണ്ട് പത്തുവയസു കുറഞ്ഞല്ലോ ……
ഇന്നലെയോ മറ്റോ മുപ്പത്തിയേഴ് വയസ്സാണെന്ന് പറയുന്നതു കേട്ടിരുന്നു …..”