ഒരു വേശ്യയുടെ കഥ – 19 4050

Oru Veshyayude Kadha Part 19 by Chathoth Pradeep Vengara Kannur

Previous Parts

” എന്തെങ്കിലും കാര്യം പറഞ്ഞു കൊടുക്കുമ്പോൾ മൊട്ടകണ്ണുകൾ ബൾബുകൾപോലെ മിഴിച്ചുകൊണ്ട് യക്ഷിയെപ്പോലെ മുഖത്തേക്ക് നോക്കും…….
വെറുതെയല്ല യക്ഷിയെന്നു വിളിക്കരുതെന്നു കരുതിയാലും വിളിച്ചു പോകുന്നത് ……”

ടീഷർട്ട് അഴിച്ചുവയ്ക്കുമ്പോൾ തൻറെ മുഖത്തേകുത്തന്നെ ചോദ്യഭാവത്തിൽ നോക്കി നിൽക്കുന്ന അവളെ കണ്ടപ്പോഴാണ് അയാൾ പിറുപിറുത്തത് .

“ആയിക്കോട്ടെ ഞാൻ യക്ഷി തന്നെയാണ് ആരെയൊക്കെയോ മയക്കിയെടുക്കുന്ന യക്ഷി…..!
അതു ഞാൻ സഹിച്ചോളാം ….
പക്ഷേ നമ്മൾ എവിടെകാണു പോകുന്നതെന്നു പറ…….”

വീണ്ടും അയാളുടെ കണ്ണുകളിലേക്കു തന്നെ നോക്കിക്കൊണ്ടാണ് അവൾ ചോദിച്ചത്.

“അതൊക്കെ പോകാനിറങ്ങുമ്പോൾ പറയാം….. ഇപ്പോൾ കുളിക്കട്ടെ …..
മായ കൗണ്ടറിൽപോയി ബില്ലൊക്കെ റെഡിയായോയെന്ന് നോക്കിയിട്ടു വരൂ……”

അവൾ ചോദിച്ചതിന് മറുപടി പറയാതെ അയാൾ ഒഴിഞ്ഞുമാറി .

“ഒരു കാര്യം ഞാൻ പറഞ്ഞേക്കാം ആരുടെയും ജീവിതം നശിപ്പിക്കുന്ന ന്യൂനയോന്നും ഞാൻ ആരോടും പറയില്ല ……
അതിന് കൂട്ടുനിൽക്കുകയുമില്ല …….”

അയാൾ അഴിച്ചു മാറ്റിയിരുന്നു ടീഷർട്ടിനു കൈനീട്ടികൊണ്ടാണ് വീർത്തുകെട്ടിയ മുഖത്തോടെ അവൾ ഉറപ്പിച്ചുപറഞ്ഞത് …..!

“ജീവിതം നശിപ്പിക്കാനോ ആരുടെ……!”

അവളുടെ മറുപടിയിൽ അന്തംവിട്ടു കൊണ്ട് അയാളവളെ നോക്കി .

“അതെ…..
നിങ്ങളുടെ പരിചയക്കാരുടെയടുത്ത് ഇന്നെന്നെ കൊണ്ടുപോയി നിങ്ങൾ കല്യാണം കഴിക്കുന്ന പെണ്ണാണെന്നു പറഞ്ഞതിനുശേഷം നാളെ നിങ്ങൾ ശരിക്കുള്ള ഭാര്യയുമായി അവരുടെ മുന്നിലെത്തിയാൽ അവരെന്താണ് അനിലേട്ടനെക്കുറിച്ചു ചിന്തിക്കുക എന്നോർത്തിട്ടുണ്ടോ ……!
എന്റെ കാര്യം കുഴപ്പമില്ല ഞാനിപ്പോൾ കുറേപ്പേരുടെ ഭാര്യയാണെന്നു ലോഡ്ജിലെ ആൾക്കാർക്കും ചില ഓട്ടോക്കാർക്കുമൊക്കെ അറിയാം……
അതുമാത്രമല്ല എന്റെ ജീവിതമൊക്കെ കഴിഞ്ഞതാണ്
അതുപോലെയാണോ അനിലേട്ടൻ……