ഓണത്തുമ്പി [രേഷ്മ] 138

‘”ഞങ്ങൾ ഇവിടെ തന്നെയുണ്ട് ചേച്ചി….ചേച്ചിയെ അല്ലേ കാണാൻ ഇല്ലത്തെ.. ””

“”അങ്ങനെ എപ്പോളും വരാൻ പറ്റുവോട പിള്ളേരൊക്കെ സ്കൂളിൽ പോകാൻ തുടങ്ങീല്ലേ….ഞങ്ങൾ ഈ കെട്ടിച്ചു വിട്ട പെണ്പിള്ളേര്ക്ക് സ്വന്തം വീട്ടിലേക്കു വരാൻ ഉള്ള ആഘോഷങ്ങൾ അല്ലേ ഓണവും വിഷുവും ഒക്കെ.. “”

“” അതും ശെരിയാ.. “”

“”പിന്നെ എന്ത് പറയുന്നു നിന്റെ ഭാര്യയും പിള്ളേരുമൊക്കെ.. ”

“”ഒന്നുമില്ല ചേച്ചി ജീവിച്ചു പോകുന്നു.. അവളുടെ അച്ഛനും അമ്മയും ഓണത്തിന് ഇങ്ങോട്ട് വരാം എന്നു പറഞ്ഞു.. ടൗണിൽ ഒക്കെ എന്തോന്ന് ആഘോഷം.
അതൊക്കെ നമ്മുടെ നാട്ടിൽ അല്ലേ….അങ്ങനെ അതൊക്കെ കാണണം എന്നു പറഞ്ഞു അവരിങ്ങോട്ടു വരുവാണേൽ ഈ പ്രാവശ്യം എല്ലാരും കൂടെ ഇവിടങ് കൂടും””

“”ചന്ദനെ ഇതു ശ്രീരാഗ് ഞങ്ങൾ ശ്രീക്കുട്ടൻ എന്നു വിളിക്കും “”

ചന്ദന അവനെ നോക്കി ഒന്ന് ചിരിച്ചു

.””ഇതാരാ ചേച്ചി “”
ചന്ദനെയെ ചൂണ്ടി ശ്രീരാഗ് ചോദിച്ചു..

“”എടാ ഇതു ഞങ്ങടെ വീടിനടുത്തു സ്ഥലം എടുത്ത.. “”

“”ങ്ങാ വിശ്വേട്ടന്റെ മോള് ആണല്ലേ… വിശ്വവേട്ടനെ ഞാൻ പരിചയപെട്ടിരുന്നു “”

“”ഹരി പറഞ്ഞാരുന്നു ഈ കുട്ടിയെ കുറിച്ച്.. “”

“”ഹരിയേട്ടൻ എന്ത് പറഞ്ഞു “”ചന്ദന പെട്ടെന്ന് ചോദിച്ചു..

“”അടുത്തൊരു കുട്ടി വന്നിട്ടുണ്ട് അതിന്റെ കാളരാഗം കാരണം വീട്ടിൽ കിടന്നുറങ്ങാൻ പറ്റുന്നില്ല എന്നു.., ” ശ്രീക്കുട്ടൻ ചിരിയോടെ പറഞ്ഞു

ചന്ദന യുടെ ചമ്മിയ മുഖം കണ്ടതും ഹരിതയ്‌ക്കു ചിരി പൊട്ടി…

“”ചേച്ചി ഞാൻ പോകുവാ “”അവൾ മുഖം വീർപ്പിച്ചു കൊണ്ടു മുന്നോട്ടു നടന്നു..

“””ഹരി പറഞ്ഞു വിട്ടതല്ലേ ശ്രീകുട്ടാ നിന്നെ… അവൻ എവിടുണ്ട്….””

നിങ്ങൾ വരുന്നത് കണ്ടത് കൊണ്ട് ഹരി ക്ഷേത്രത്തിലേക് പോയിട്ടുണ്ട് ചേച്ചി.. ശ്രീരാഗ് ചിരിച്ചു കൊണ്ടു പറഞ്ഞു

“”മോളെ ചന്ദനെ അവിടെ നില്ക്കു…””ക്ഷേത്രത്തിന്റെ പടവുകൾ വേഗത്തിൽ കയറി പോകുന്ന ചന്ദന യുടെ പുറകെ ഹരിത ഓടി…

ദാവണി ഉടുത്തതു കൊണ്ട് ചന്ദനക്ക് വേഗം നടക്കാനും സാധിക്കുന്നുണ്ടായിരുന്നില്ല
പല വട്ടം ദാവണിയുടെ തുമ്പിൽ ചവുട്ടി വീഴാൻ പോയി….ഒടുവിൽ പട കയറുമ്പോൾ പാദം മൂടി കിടന്ന ദാവണിയുടെ തുമ്പു അവൾ കണം കാലിനു മുകളിലേക്കു ഉയർത്തി….ഓരോ നട കയറുമ്പോളും അവളുടെ വെളുത്ത കാല്പാദങ്ങളിൽ പറ്റി ചേർന്നു കിടന്ന പാദസരം ഇളകി… കല്പടവുകൾക്കു മുകളിലെ തൂണിന്റെ അരികു പറ്റി നിന്ന ഹരിയുടെ മിഴികൾ ചന്ദനയുടെ കാല്പാദങ്ങളിൽ തന്നെ ആയിരുന്നു… പടകൾ ഓടി കയറുമ്പോൾ ഇളകുന്ന പദസരങ്ങളിലും വെണ്ണയുടെ നിറമുള്ള കാല്പാദങ്ങളിലും അവൻറെ മനസ്സും ഉടക്കിയിരുന്നു…

പെണ്ണിന് ദേഷ്യം വരുമ്പോളും കുറുമ്പ് കാണിക്കുമ്പോളും സൗന്ദര്യം ഇരട്ടിയാകും ഹരി ഓർത്തു…

ഹരി നിക്കുന്ന കണ്ടെങ്കിലും ഹരിയെ ഗൗനിക്കാതെ ചന്ദന ക്ഷേത്രത്തിന്റെ വഴിപാട് കൗണ്ടറിലേക് നടന്നു..

“”എന്റെ പാട്ടു കാളരാഗം ആണല്ലേ.. ഞാൻ ശെരിയാക്കി തരാട്ടോ… “” ചന്ദന മനസ്സിൽ പറഞ്ഞു..

“”നീയെന്തിനാടാ ആ ശ്രീകുട്ടനെ കൊണ്ടു ആ കൊച്ചിനെ കളിയാക്കിയത്..”” ചന്ദനയുടെ പിന്നാലെ ഓടി എത്തിയ ഹരിത ഹരിയോട് ചോദിച്ചു..

“”ചുമ്മാതെ ആണ് ചേച്ചി.. അവൾക്കു ഒരെല്ലു കൂടുതൽ ഉണ്ട്.. “”