ഓണത്തുമ്പി [രേഷ്മ] 138

അച്ഛൻ ഇതാരോടാണ് പറയുന്നത് ചന്ദന അച്ഛനെ നോക്കിയപ്പോൾ.. അതാ ആരാണോ അവിടെ ഉണ്ടാവില്ല എന്നു വിചാരിച്ചതു ആ ആള് കാർ പോർച്ചിന്റെ ഇടതു വശത്തെ തൂണിൽ ചാരി ചിരിച്ചു കൊണ്ട് നിക്കുന്നു…””അയ്യേ… അവൾ തിരിഞ്ഞു ഹാളിനുള്ളിലേക് ഓടി കയറി “”

“”ഇവൾക്ക് നാണമോ എന്ന അർത്ഥത്തിൽ വിശ്വൻ തന്റെ ഭാര്യയെ നോക്കി “”

“” അവൾ കിടന്നപ്പോ ഇട്ട ഡ്രെസ്സും ഇട്ടായിരിക്കും അല്ലേ വന്നതു.. പ്രമീള വിശ്വനോട് പതിയെ ചോദിച്ചു “”

“”ഹ്മ്മ് അതല്ലേ ഹരിയെ കണ്ടോണ്ട് ഓടിയത് “”

“”ഞാൻ വന്നതു ബുദ്ധിമുട്ട് ആയോ.. “” ഹരി ചോദിച്ചു

“” എന്ത് ബുദ്ധിമുട്ട്… മോള് പുറത്തു ജീവിച്ചതല്ലേ.. നമ്മുടെ നാട്ടിൻ പുറത്തിന്റെ രീതികളിലേക് ഒക്കെ വരാൻ സമയം എടുക്കും.. “”

“”ഹരി ചോദിച്ച കാര്യം ഞാൻ അവളോട്‌ പറയാം… “”

“”എന്താ വിശ്വട്ടാ “”പ്രവീണ വിശ്വനെ നോക്കി

“”ഓഹ് കാര്യമായിട് ഒന്നുമില്ല…ഇവിടുത്തെ ക്ലബ്ബിന്റെ പ്രോഗ്രാമിന് മോള് ഒരു പാട്ടു പാടുമോ എന്നു ഹരി ചോദിച്ചിരുന്നു…””

“”ഞാൻ പാട്ടൊന്നും പാടില്ല.. “” ഡ്രസ്സ്‌ മാറ്റി പുറത്തേക് ഇറങ്ങി വന്ന ചന്ദന ദേഷ്യത്തോടെ പറഞ്ഞു..

“”ഓഹ് അവൾക്കു പാടാൻ ഒന്നും അറിയത്തില്ല ഹരി ” ഹരിയെ കണ്ണിറുക്കി കാണിച്ചു കൊണ്ട് വിശ്വൻ പറഞ്ഞു

“” അച്ഛാ … എനിക്ക് പാടാൻ അറിയാഞ്ഞിട്ടു ഒന്നുമല്ല.. ഈ ഊച്ചാളി പരിപാടിക്ക്‌ ഒന്നും എനിക്ക് പാടാൻ വയ്യ.. “”
“”ങും..ഇന്നലെ എന്താ പറഞ്ഞെ എനിക്ക് തടി കൂടുതൽ ആണത്രേ…അങ്ങനിപ്പോ എന്റെ പാട്ടു കേൾക്കണ്ട “” ചന്ദന മനസ്സിൽ പറഞ്ഞു

ചന്ദന യുടെ മറുപടി കേട്ടതും ഹരിക് ദേഷ്യം വന്നു.. കാരണം അവൻ സംഘടിപ്പിക്കുന്നത് ആയിരുന്നു ആ പ്രോഗ്രാം.. അതിനെ ഊച്ചാളി പരുപാടി എന്നു പറഞ്ഞത് അവനു ഇഷ്ടപ്പെട്ടില്ല

“” ഓഹ് ഭവതി പാടുന്നുണ്ടായിരുന്നേൽ ചിത്രാമ്മയെ കൊണ്ടു വരണ്ടായിരുന്നല്ലോ എന്നു വിചാരിച്ചു ചോദിച്ചതാ “” ഹരി ദേഷ്യത്തിൽ പറഞ്ഞിട്ട് ഇറങ്ങി പോയി..

“””എടാ ഹരി… ആ കൊച്ചു അങ്ങനെ പറഞ്ഞതിന് നീയെന്തിനാ ദേഷ്യ പെട്ടിട്ടു പോകുന്നത്..””” സരസ്വതി അമ്മ പിന്നിൽ നിന്നും വിളിച്ചു ചോദിച്ചു.. അപ്പോളേക്കും ഹരി ബുള്ളറ്റിൽ കയറി ഓടിച്ചു പോയിരുന്നു

“”മോളെന്തിനാ അങ്ങനെ പറഞ്ഞത് ഹരി സംഘടിപ്പിക്കുന്ന പ്രോഗ്രാം അല്ലേ അതിനെ ഊച്ചാളി പ്രോഗ്രാം എന്നൊക്കെ പറഞ്ഞത് അവനു ഇഷ്ടായിട്ടുണ്ടാവില്ല.. “” ഹരി പോയതും നോക്കി വിശ്വൻ പറഞ്ഞു

“”ഒന്ന് പോ അച്ഛാ ഞാൻ പറഞ്ഞത് തന്നെ ആണ്.. അല്ലാതെ ഈ പട്ടി കാട്ടിൽ എന്ത് പ്രോഗ്രാം നടത്താൻ ആണ് “” ചന്ദനയും പറഞ്ഞിട്ട് ഉള്ളിലേക്കു കയറി പോയി..

അടുത്ത രണ്ടു ദിവസം ചന്ദനയും ഹരിയും പരസ്പരം കണ്ടതെ ഇല്ല ഇടയ്ക്ക് ഒരു പ്രാവശ്യം ഹരി മിന്നായം പോലെ കണ്ടെങ്കിലും അവർ പരസ്പരം ഒന്നും മിണ്ടിയില്ല…
ഹരി മിണ്ടാതെ നടക്കുന്നത് കണ്ടപ്പോൾ ചന്ദനയുടെ ഉള്ളിൽ എവിടെയോ ഒരു നോവിന്റെ ഉറവ പൊട്ടി തുടങ്ങിയിരുന്നു. പാട്ടു പാടില്ല എന്നും ഊച്ചാളി പരുപാടി എന്നൊക്കെ വെറുതെ പറഞ്ഞതാണ് തനിക്കു ജയിക്കാൻ..പക്ഷെ ഹരിയേട്ടൻ അതിത്ര സീരിയസ് ആയിട്ട് എടുക്കും എന്നു കരുതിയില്ല… ഹരിയേട്ടന്റെ ചേച്ചി ഹരിത ചേച്ചിയും കുട്ടികളും വന്നിട്ടുണ്ട്.. അവരുടെ കൂടെ തൊടിയിൽ പൂ പറിക്കാനും രാവിലെ എണീറ്റു പൂക്കളം ഇടാനും ഒക്കെ കൂടുന്ന കൊണ്ടു സമയം പോകുന്നത് അറിയാറില്ല..