ഓണത്തുമ്പി [രേഷ്മ] 138

“”ഹ്മ്മ് കശ്മലൻ രാവിലെ എണീറ്റെന്നു തോന്നുന്നു “” മനസ്സിൽ പറഞ്ഞു

തുറന്നിട്ട കുള പുരയുടെ വാതിൽ കടന്നു നട കല്ലുകളിൽ ചവുട്ടി താഴേക്കു ഇറങ്ങിയതും കുളത്തിൽ നിന്നും ഒരു രൂപം മുങ്ങി നിവർന്നതും ഒരുമിച്ചായിരുന്നു…അതു കണ്ടതും അവൾ പേടിച്ചു പിന്നോട്ട് കാൽ വെച്ചെങ്കിലും പടയുടെ അരികിൽ ചവിട്ടി തെന്നി പോയി

ദാ കിടക്കുന്നു അലച്ചു കെട്ടി മുന്പിലെ വെള്ളത്തിലേക്കു…കയ്യിലിരുന്ന സോപ്പും തുണിയും എല്ലാം പടിയിലേക് തന്നെ തെറിച്ചു വീണിരുന്നു..

വെള്ളത്തിൽ വീണു ഒന്ന് മുങ്ങി നിവർന്നപ്പോളെക്കും മനസ്സിലായി താൻ ഏതോ കരങ്ങളിൽ ആണെന്ന്.. കണ്ണു തുറന്നു നോക്കിയതും കണ്ടത് മുഖത്തിനു നേർക്കു തൂങ്ങി ആടുന്ന സ്വർണം കെട്ടിയ രുദ്രാഷം ആയിരുന്നു.. വെള്ളം നനഞ്ഞു നെഞ്ചോടു പറ്റി ചേർന്നിരുന്ന നീളൻ രോമ രാജികൾ…

“”എന്താടി യക്ഷി രാവിലെ മനുഷ്യനെ പേടിപ്പിക്കാൻ ഇറങ്ങിയേക്കുവാണോ “”

“”ഹോ ഗന്ധർവ്വൻ നീരാടാൻ ഇറങ്ങുന്ന സമയം ആണെന്ന് അറിയില്ലായിരുന്നു “” ഹരിയുടെ കൈകളിൽ അവൻറെ നെഞ്ചോട് ചേർന്നു കിടന്നപ്പോളും അവളുടെ വായിൽ തർക്കുത്തരം ആണ് വന്നതു…

“”നീയെന്നാൽ ഇവിടെ തന്നെ കിടക്കു”” ഹരി കൈ അയച്ചതും ചന്ദന കുളത്തിലേക്കു തന്നെ വീണു…

“” ദുഷ്ടൻ.. കശ്മലൻ.. “” നീന്തി കല്പടവിലേക് വന്നിരുന്നു കൊണ്ട് അവൾ പൊറു പൊറുത്തു…

കുളപ്പുരയുടെ വാതിൽ കടന്നു പുറത്തേക് പോവുമ്പോൾ ഹരി പുഞ്ചിരിയോടെ തിരിഞ്ഞു നോക്കി…പെണ്ണ് നീന്തി പടവിലേക് എത്തിയിരുന്നു…കുളപ്പുരയുടെ വാതിൽക്കൽ അവൾ എത്തിയതു കണ്ടു കൊണ്ടാണ് കുളത്തിലേക്കു മുങ്ങിയതും പെണ്ണിറങ്ങി വരുമ്പോൾ പൊങ്ങിയതും.. പക്ഷെ പേടിച്ചു കുളത്തിലേക്കു വീഴും എന്നു ഒരിക്കലും വിചാരിച്ചില്ല.. വീണു ഒന്ന് മുങ്ങിയപ്പോളേക്കും കൈകളിൽ കോരി എടുത്തിരുന്നു….

ഹോ.. എന്ത് സുന്ദരം ആയിരുന്നു ആ മുഖം ചോര തൊട്ടെടുക്കാവുന്ന ചുണ്ടുകളും തിളങ്ങുന്ന കവിൾ തടങ്ങളും… കൈകളിൽ അനുഭവ പെട്ട നനഞ്ഞ ദേഹത്തിന്റെ മൃദുലതയും… ഇട്ടിരുന്ന ടീഷർട് ദേഹത്തേക് ഒട്ടി സുതാര്യമായിരുന്നത് ഒരുപക്ഷെ തന്റെ നിയന്ത്രണം തെറ്റിച്ചേക്കും എന്നു തോന്നിയപ്പോൾ ആണ് അവളെ ദേഷ്യം പിടിപ്പിച്ചത്….തർക്കുത്തരം മാത്രമേ ആ വായിൽ വരുമെന്ന് ഉറപ്പുള്ളത് കൊണ്ട് വെള്ളത്തിലേക്കു തന്നെ ഇടാൻ റെഡി ആയിരുന്നു…പ്രതീക്ഷിച്ച പോലെ തന്നെ മറുപടി കിട്ടിയപ്പോൾ പിന്നെ ഒന്നും നോക്കാൻ ഉണ്ടായിരുന്നില്ല …കൈ അയച്ചതും വെള്ളത്തിലേക്കു മുങ്ങി നിവരുന്ന കണ്ടു.. എങ്കിലും അവൾ പറ്റി ചേർന്നു ദേഹത്തു അഗ്നി പടർത്തിയ ആ ഒരു നിമിഷം… ഹോ… അവൻറെ ചുണ്ടിൽ ഒരു കള്ള ചിരി വിടർന്നു…

അളവെടുത്തു തയ്ച്ച പോലുണ്ടല്ലേ അമ്മേ ദാവണി ഉടുത്തു വന്ന ചന്ദനpയെ കണ്ടതും ഹരിത പറഞ്ഞു..

ഹ്മ്മ് എന്റെ സുന്ദരി കുട്ടി.. കണ്ണു കൊള്ളേണ്ട.. അല്പം കണ്മഷി എടുത്തു ചന്ദനയുടെ കാതിനു പുറകിൽ തൊട്ടു കൊടുത്തു സരസ്വതി അമ്മ…

കുട്ടികൾ എഴുന്നേറ്റിട്ടുണ്ടായിരുന്നില്ല അതു കൊണ്ടു ഹരിതയും ചന്ദനയും മാത്രം ആണ് അമ്പലത്തിലേക്ക് നടന്നത്.. നടക്കാൻ കുറച്ചു ദൂരം ഉള്ളത് കൊണ്ടു സരസ്വതി അമ്മ വന്നില്ല… രാമായണ മാസം ആയാൽ അമ്പലത്തിൽ രാമായണം വായിക്കുന്നതു സരസ്വതി അമ്മയാണ് ആ സമയം എല്ലാ ദിവസവും രാവിലെ ഹരി അമ്മയെ അമ്പലത്തിൽ കൊണ്ടു വിടും പിന്നെ എല്ലാ മലയാള മാസം ഒന്നാം തീയതിയും സരസ്വതി അമ്മ പറഞ്ഞതു ചന്ദന നടക്കുന്നതിനിടയിൽ ഓർത്തു .

“ഹരിതേച്ചി എപ്പോ വന്നു ” അമ്പലത്തിന്റെ പടവുകൾക്കു താഴെയുള്ള ആൽ മരത്തിന്റെ തറയിൽ കൂടി ഇരുന്ന കുറച്ചു ചെറുപ്പക്കാർ കൂടി ഇരിപ്പുണ്ടായിരുന്നു അവിടെ നിന്നായിരുന്നു ആ ചോദ്യം വന്നതു..

ചോദ്യം കേട്ടു ഹരിതയുടെ കൂടെ ചന്ദനയും തിരിഞ്ഞു നിന്നു..

‘”ങ്ങാ ശ്രീകുട്ടാ നീയോ… കുറെ നാളായല്ലോ കണ്ടിട്ട് “”