ഓണത്തുമ്പി [രേഷ്മ] 139

“” സോറിയോ മര്യാദക് തുടച്ചിട്ട് പൊയ്ക്കോ “” ഹരി ഗൗരവത്തോടെ ആവശ്യ പെട്ടു..

“” അയ്യെടാ എന്റെ പുറകിൽ വന്നു നിന്നിട്ടല്ലേ വേണമെങ്കിൽ തന്നെ കഴുകിക്കോ.. “”
കൈ കഴുകി ഒന്ന് കുടഞ്ഞു അവനെ തള്ളി മാറ്റി കൊണ്ട് അവൾ പറഞ്ഞു..

“” ദൈവമേ താൻ എങ്ങനെ ആണ് അത്രയും പറഞ്ഞത്.. തിരിഞ്ഞു നോക്കിയപ്പോൾ അത്രയും അടുത്ത് ആളെ കണ്ടതും ദേഹം ആകെ വിറച്ചതാണ്.. എങ്ങനെയും ആളുടെ മുൻപിൽ നിന്നു രക്ഷപെട്ടാൽ മതിയെന്നേ ഉണ്ടായിരുന്നുള്ളു….ഓടി സരസ്വതി അമ്മയുടെ അടുത്തെത്തി യിട്ടാണ് തിരിഞ്ഞു നോക്കിയത് തന്നെ…

നോക്കിയപ്പോൾ ആളുണ്ട് തന്നെ നോക്കി ചിരിച്ചു കൊണ്ടു നിക്കുന്നു..

“”ഇങ്ങനെ നോക്കി ചിരിക്കല്ലേ കശ്മലാ “” നെഞ്ചിൽ പറ്റിയത് തുടച്ചു തരുവല്ല ആ നെഞ്ചിൽ പറ്റി പിടിച്ചു പോയേക്കും “”” അവൾ മനസ്സിൽ പറഞ്ഞു..

“” എത്രയോ പെൺകുട്ടികളെ താൻ കണ്ടിരിക്കുന്നു.. പക്ഷേ എന്തോ ഈ കുട്ടിയോട് കണ്ടതു മുതൽ വല്ലാത്തൊരു അടുപ്പം തോന്നുന്നു… ഇളം തവിട്ടാർന്ന ആ മിഴികളുടെ കളുടെ ആഴത്തിലേക് മുങ്ങി പോവുന്നു… മുഖത്തേക് വെള്ളം ഒഴിച്ചു.. വാഷ് ബേസിനു മുകളിൽ ഫിക്സ് ചെയ്തിരിക്കുന്ന കണ്ണാടിയിലേക് നോക്കി ഹരി.. അമ്മയുടെ അടുത്ത് നിന്നു ഏറു കണ്ണിട്ടു തന്നെ നോക്കുന്ന ചന്ദനയെ ഹരി കണ്ണാടിയിലൂടെ കണ്ടു.. അവൻറെ ചുണ്ടിൽ ഒരു പുഞ്ചിരി ഊറി…

“”നാളെ മോളും കുട്ട്യോളും എല്ലാം വരും.. എല്ലാ വർഷോം വെക്കേഷൻ ആയാൽ അങ്ങനെ ആണ്.. പിന്നെ ഇവിടെ ആഘോഷാണ്… “” സരസ്വതി അമ്മ തന്റെ മോളും കുട്യോളും വരുന്ന കാര്യം പറഞ്ഞു.

“”ചെറിയ കുട്ട്യോൾ ആണോ അമ്മേ “” ചന്ദന സംശയം ചോദിച്ചു

“”അതേ മൂത്ത ആൾക്ക് 10 വയസ് ആയി ഇളയവൾക് 4ഉം.. “”

“”അതു നല്ലതായി എനിക്ക് കൂട്ടായല്ലോ..””

രാവിലെ മുറ്റത്തു ആരോ സംസാരിക്കുന്നതു കേട്ടാണ് ചന്ദന ഉറക്കം എണീറ്റു വന്നതു… കണ്ണും തിരുമ്മി വാതിൽ പടി കടക്കുമ്പോൾ അമ്മ മുറ്റത്തു സരസ്വതി അമ്മയോട് സംസാരിച്ചു കൊണ്ടു നിക്കുന്നത് കണ്ടു…

ഇറങ്ങി മുറ്റത്തേക്കു പോകാൻ കാൽ വെച്ചപ്പോൾ ആണ് ഓർത്തത്‌ ഇനി ആ കശ്മലൻ മുറ്റത്തു എങ്ങാനും ഉണ്ടാകുമോ… അവൾ താൻ ഇട്ടിരിക്കുന്ന ഡ്രെസ്സിലേക് നോക്കി രാത്രി കിടക്കുമ്പോൾ ഒരു ബെർമൂഡയും ഒരു സ്ലീവ് ലെസ് ലൂസ് ടി ഷർട്ടും ഇട്ടാണ് കിടന്നതു…ഹരിയേട്ടൻ പുറത്തു ഉണ്ടാവില്ലെന്ന വിശ്വാസത്തിൽ ആണ് വരാന്തയിലേക് വന്നതു… ഭാഗ്യം ഇല്ല.. വരാന്തയിൽ ഇട്ടിരിക്കുന്ന ചാരു കസേരയിൽ അച്ഛൻ ഇരുന്നു പത്രം വായിക്കുന്നുണ്ട്..

ഗുഡ് മോണിംഗ് മോളു… എങ്ങനെ ഉണ്ടായിരുന്നു ഉറക്കം…

ഇവിടെ വന്നു കഴിഞ്ഞാൽ ഒന്നിനും ഇഷ്ടമില്ല എന്നു പറയാനും… എങ്ങനെയെങ്കിലും തിരിച്ചു ഭോപ്പാലിലേക് പോകണം എന്നും ഉള്ള ഉദ്ദേശത്തിൽ ആണ് അച്ഛന്റെ കൂടെ വണ്ടി കയറിയത്… ധൈര്യത്തിന് അച്ഛൻ തന്ന വാക്കും ഉണ്ടായിരുന്നു.. മോളു കുറച്ചു ദിവസം വന്നു നിന്നിട്ടു ഇഷ്ടം ആയില്ലെങ്കിൽ തിരിച്ചു പോകാം എന്നു… പക്ഷെ മനസ്സിൽ വിചാരിച്ചു കൊണ്ടു വന്നതൊന്നും തനിക്ക് പറയാൻ പറ്റുന്നില്ല…ഒരു ദിവസം കൊണ്ടു തന്നെ ഇഷ്ടപ്പെട്ടു പോകുന്ന അന്തരീഷം.
വീടിനു ചുറ്റും വലിയ മരങ്ങൾ ആണ്…പറമ്പിൽ കൂടെ തന്നെ ചെറിയ ഒരു തോട് ഒഴുകുന്നുണ്ട്… വന്നപാടെ പറമ്പിലൂടെ ചുറ്റി നടന്നു നോക്കിയപ്പോൾ വടക്കു ഭാഗത്തു ഒരു കുളം കണ്ടിരുന്നു.. അതിനപ്പുറം വലിയ വയലുകൾ ആണ്… പട കെട്ടിയ കുളം ഒക്കെ ആകെ കണ്ടിരിക്കുന്നത് സിനിമയിൽ ആണ്…

“”ഇതാ ആളോട് നേരിട്ട് തന്നെ ചോദിച്ചോളൂ.. “”