ഓണത്തുമ്പി [രേഷ്മ] 139

കുളിച് ഫ്രഷ് ആയി.. കൊണ്ടു വന്ന സാധനങ്ങൾ ഒക്കെ ഒതുക്കി വെച്ചിട്ടാണ് വിശ്വനും പ്രമീളയും ചന്ദനയും കൂടെ അടുത്ത വീട്ടിലേക്കു ചെന്നതു..അപ്പോളേക്കും ഹരിയും എത്തിയിരുന്നു…

വിശ്വൻ തന്റെ ഭാര്യ പ്രമീളയെയും മകൾ ചന്ദനയെയും ഹരിക് പരിചയ പെടുത്തി… ഹരി പ്രമീളയോട് സംസാരിച്ചെങ്കിലും ചന്ദനയോടുള്ള സംസാരം വെറും ഒരു ഹായ് ൽ ഒതുക്കി..

ഭക്ഷണം കഴിക്കുന്നതിനിടയിൽ ചന്ദന പലവട്ടം ഹരിയെ നോക്കിയെങ്കിലും ഹരി അതൊന്നും ഗൗനിക്കാതെ വിശ്വനോട് സംസാരിച്ചു കൊണ്ടിരുന്നു..
ചന്ദനയെ സംബന്ധിച്ചിടത്തോളം അവളുടെ സൗന്ദര്യത്തിനേറ്റ ഒരു അടി ആയിട്ട് ആണ് അവൾക്കു തോന്നിയത്.. അവൾ കോളേജിൽ ചേർന്നപ്പോൾ പോലും അവൾ ഒരു വാക്ക് മിണ്ടുന്നതു കേൾക്കാനും അവളുടെ കൂട്ടു കൂടാനും ആണ് ആണ്പിള്ളേര് പുറകെ നടന്നിരുന്നതു..കോളേജിലെ ഒരു കൊച്ചു സുന്ദരി തന്നെ ആയിരുന്നു ചന്ദന …പഞ്ഞി പോലെ മൃദുലമാക്കി ഇട്ടിരുന്ന ചെമ്പൻ മുടിയിഴകൾ അറ്റം മാത്രം കേൾ ചെയ്തു ഇട്ടിരുന്നു.. വെണ്ണ പോലെയുള്ള നിറം, എള്ളിൻ പൂ പോലെ മൂക്ക്.. ചെറിയ ചുവന്ന ചുണ്ടുകൾ ചിരിക്കുമ്പോൾ കവിളിൽ തെളിയുന്ന ചെറിയ നുണക്കുഴി.. കടഞ്ഞെടുത്ത പോലുള്ള ശരീരം.. ഇതെല്ലാം കൊണ്ടു തന്നെ അവളെ ഗേൾ ഫ്രണ്ട് ആയി കിട്ടാൻ ആണ്പിള്ളേര് മത്സരിച്ചു കൊണ്ടിരുന്നു.. പക്ഷെ ചന്ദന ആർക്കും പിടി കൊടുക്കാതെ ഒഴിഞ്ഞു മാറി കൊണ്ടും ഇരുന്നു…

“”അമ്മേ ആ കുട്ടിക്ക് കുറച്ചു ചോറും കൂടെ ഇട്ടു കൊടുക്ക്.. “”

ഹരിയുടെ ശബ്ദം ആണ് ചന്ദനയെ ചിന്തകളിൽ നിന്നും ഉണർത്തിയത് അപ്പോളാണ് മനസ്സിലായത് താൻ കഴിച്ചു കഴിഞ്ഞു പാത്രം വടിച്ചു നക്കി കൊണ്ടിരിക്കുക ആയിരുന്നു എന്നു..

“”കുത്തരി ചോറ് കഴിക്കാത്ത ആളാണ് നോക്കിയേ പ്ളേട് ഇനി കഴുകണ്ട അത്രയ്ക്കും വൃത്തിയാക്കി വെച്ചിട്ടുണ്ട് “”
വിശ്വൻ ചന്ദനയെ കളിയാക്കി..

അവൾ ചമ്മലോടെ ഹരിയെ നോക്കി.. അവനും അവളുടെ ഭാവം നോക്കി ചിരിച്ചു കൊണ്ടിരിക്കുന്ന കണ്ടപ്പോ ചന്ദനയ്ക്കു ആകെ ചമ്മൽ തോന്നി “”

“”അതിനെന്താ മോളു കഴിച്ചോട്ടെ… കുട്ട്യോള് കഴിക്കണ പ്രായം അല്ലേ.. അല്ലേ മോളെ.. “” ഹരിയുടെ അമ്മ സരസ്വതി ചന്ദനയുടെ തലയിൽ തടവി കൊണ്ട് പറഞ്ഞു..

“”ചേച്ചി എന്താ പറയണേ.. നോക്കിയേ ഇവൾ കുറച്ചു തടി കൂടുതൽ അല്ലേ.. “” പ്രമീള…ചന്ദനയെ നോക്കി പറഞ്ഞു..

“”ഞാൻ കഴിക്കണില്ല പോരെ “” ചന്ദന പരിഭവത്തോടെ എഴുന്നേറ്റു..

“”മോളിരിക്കു അമ്മ വിളമ്പി തരാം.. “” സരസ്വതി അമ്മ ചന്ദനയെ പിടിച്ചിരുത്തി..
ചോറ് വിളമ്പി പരിപ്പ് ഒഴിച്ചു കൊടുത്തു.. ചെറുപയർ പരിപ്പ് നെയ്യും പപ്പടവും കൂട്ടി കഴിക്കണം എന്നു പറഞ്ഞു കൊടുത്തത് സരസ്വതി അമ്മയാണ്..
പ്രമീളയും കേരളത്തിന്‌ പുറത്തു ജനിച്ചു വളർന്നത് കൊണ്ടു തന്നെ മലയാളം ഭാഷ ഒഴിച്ചു ബാക്കി എല്ലാം അവർക്ക് അന്യം ആയിരുന്നു… കാലങ്ങൾക്കു ശേഷം കേരള വിഭവങ്ങളുടെ രുചി വിശ്വന്റെ നാവിനെയും തൊട്ടുണർത്തിയ കൊണ്ട് പതിവിൽ കൂടുതൽ അയാളും ഭക്ഷണം കഴിച്ചു..

“അതേ കുറച്ചു തടി കൂടുതൽ ഉണ്ട്‌ കേട്ടോ “” വാഷ് ബേസിനിൽ കൈ കഴുകുമ്പോൾ പിന്നിൽ പതിഞ്ഞ ശബ്ദം കെട്ടു..

അവൾ ഞെട്ടി തിരിഞ്ഞതും കൈ അവൻറെ നെഞ്ചിൽ തട്ടി.. കൈ കഴുകി കഴിഞ്ഞിട്ടില്ലാതിരുന്നത് കൊണ്ട് അവളുടെ കയ്യിൽ പറ്റി പിടിച്ചിരുന്ന കറിയുടെയും ചോറിന്റെയും അംശങ്ങൾ അവൻറെ ഷർട്ടിൽ പറ്റി..

“”അയ്യോ സോറി “”