ഓണത്തുമ്പി [രേഷ്മ] 139

“”അച്ഛനോട് സംസാരിച്ച ആ ചേട്ടൻ “”

“”ഓഹ് അതോ.. അതു ഹരിനന്ദൻ “”.. ഹരി എന്നു എല്ലാരും വിളിക്കും.. നമ്മുടെ വീടിനു തൊട്ടു അടുത്താണ്.. ഇന്ന് രാത്രി ഭക്ഷണം ഹരിയുടെ വീട്ടിൽ ആകിയിട്ടുണ്ടെന്ന അവൻ പറഞ്ഞത്.. “”

“” അതെന്താ അച്ഛാ .. നമ്മൾ അങ്ങനെ എവിടെയും പോവാറില്ലലോ “”

ഒരു വാതിലിനു അപ്പുറം ഉള്ള അടുത്ത ഫ്ലാറ്റിലുള്ള ആൾക്കാർ പോലും അധികം സംസാരിക്കാറില്ലായിരുന്നു…ചന്ദന അതു ഓർത്തു കൊണ്ടാണ് പറഞ്ഞത്

“”അവിടെ ആർക്കാ മോളെ സമയം എല്ലാവരും തിരക്ക് അല്ലേ….എന്തേലും പറ്റിയാൽ പോലും ആരും നോക്കില്ല.. ഇവിടെ അങ്ങിനെ അല്ല… എല്ലാരും ഒരു കുടുംബം പോലെ ആണ് പരസ്പരം എല്ലാ കാര്യത്തിലും സഹകരിക്കും.. എല്ലാ ആഘോഷങ്ങളും എല്ലാവരും കൂടെ അങ്ങ് നടത്തും…. ഇപ്പൊ തന്നെ ദാ കണ്ടോ ആ ക്ലബ് അലങ്കരിക്കുന്നത് ഓണത്തിന് എന്തോ പരിപാടി അവതരിപ്പിക്കാൻ ആണെന്നാണ് ഹരി പറഞ്ഞതു…””

ഹരി എന്ന ആ പേര് കേട്ടതും അവളുടെ കവിളുകൾ എന്തിനെന്നില്ലാതെ ചുമന്നു..മിഴികൾ എന്തിനോ തുടിച്ചു..അവൾ അലസമായി പിന്നിലേക്ക് നോക്കി അടുത്ത് വരുന്ന ഒരു ബുള്ളറ്റിന്റെ ശബ്ദത്തിനു കാതോർത്തു..ബുള്ളെറ്റ് കാരൻ കാറിനെ മറി കടന്നു പോയതും..
അവൾ നിരാശയോടെ”” ഛെ “” എന്നൊരു ശബ്ദം അവളിൽ നിന്നും വന്നു..

എന്താ മോളെ.. വിശ്വൻ ചന്ദനയെ നോക്കി.

“”ഒന്നുമില്ല അച്ഛാ .. “” ജ്യോതി മറുപടി പറഞ്ഞു..

കാർ ടാർ റോഡും കഴിഞ്ഞു ചെമ്മൺ പാതയിലേക്കു കയറിയിരുന്നു റോഡിനിരുവശവും തെങ്ങിൻ തോപ്പു ആയിരുന്നു.. കുറച്ചു മുന്നോട്ടു ഓടിയ കാർ ഒരു വീടിനു മുന്നിലെത്തി നിന്നു..

വിശ്വൻ ഇറങ്ങി ഗേറ്റ് തുറന്നു.. തിരിച്ചിറങ്ങി വന്നു കാർ വീടിനുള്ളിലേക് കയറ്റി ഇട്ടു.. കാറിന്റെ ഒച്ച കേട്ടിട്ടാവണം അടുത്ത വീട്ടിൽ നിന്നും ഒരമ്മ പുറത്തേക് വന്നു നോക്കുന്നത് ചന്ദന കണ്ടു..

“”ങാ… വിശ്വ യാത്ര ഒക്കെ സുഖം ആയിരുന്നല്ലോ അല്ലേ.. “”

“”സുഗായിരുന്നു ചേച്ചി… മോളെ ഇതു സരസ്വതി അമ്മ.. നമ്മൾ കടയിൽ നിന്നു കണ്ടില്ലേ ആ ഹരിയുടെ അമ്മ.. ”

ചന്ദന സരസ്വതി അമ്മയുടെ അടുത്തേക് ചെന്നു കാൽ തൊട്ടു തൊഴുതു.. സരസ്വതിയമ്മ ചന്ദനയെ ചേർത്തു പിടിച്ചു മുടിയിൽ തഴുകി…

വിശ്വൻ പ്രമീളയെയും സരസ്വതി അമ്മയ്ക്ക് പരിചയപ്പെടുത്തി കൊടുത്തു..
അവർ സംസാരിച്ചു നിക്കുമ്പോൾ വിശ്വൻ വീടുതുറന്നു ബാഗ് ഒക്കെ എടുത്തു ഉള്ളിൽ വെച്ചു..
ചന്ദന ചുറ്റും നോക്കുക ആയിരുന്നു… ഫ്ലാറ്റിൽ താമസിച്ചിരുന്ന അവൾക് രണ്ടു നിലയുള്ള ഇതു വലിയൊരു വീട് തന്നെ ആയിരുന്നു.. മുറ്റം ലാന്റ്സ്കേപ്പിംഗ് ചെയ്തു ചെടികൾ വെച്ചു പിടിപ്പിച്ചിരുന്നു… ചുറ്റും വലിയ മരങ്ങളും.. വീടിനടുത്തൂടെ ഒഴുകുന്ന ഒരു തൊടും എല്ലാം ചേർന്നു ഒരു റിസോർട്ടിൽ എത്തിയ പ്രതീതി ആയിരുന്നു അവൾക്കു….

“”അച്ഛാ… സൂപ്പർ !!!””അവൾക് പറയാതിരിക്കാൻ ആവുമായിരുന്നില്ല…

“”ഭക്ഷണം ഒന്നും ഉണ്ടാക്കാൻ നിക്കണ്ടാട്ടൊ ഞാൻ ആക്കിയിട്ടുണ്ട്.. “”സരസ്വതി അമ്മ പോകുന്നതിനു മുൻപ് പറഞ്ഞു..

“”ചേച്ചിക് ബുദ്ധിമുട്ടായല്ലേ. “”

“”എന്ത് ബുദ്ധിമുട്ട്… ഹരി ഇറങ്ങി പോയ പിന്നെ മിണ്ടി പറഞ്ഞിരിക്കാൻ ഒരാൾ ഇല്ലാതെ ഞാൻ വിഷമിച്ചോണ്ടിരിക്കുവാരുന്നു ഇപ്പൊ നിങ്ങള് വന്നതു എനിക്ക് ആശ്വാസം അല്ലേ വിശ്വാ “”

”നിങ്ങള് വാ കേട്ടോ.. ഞാൻ കാറിന്റെ ശബ്ദം കേട്ടു വന്നതാ.. പോയി പപ്പടം കൂടെ കാച്ചട്ടെ… “”സരസ്വതി അമ്മ പോകുന്നതും നോക്കി ചന്ദന നിന്നു..

♦️♦️♦️♦️♦️♦️♦️♦️♦️♦️♦️♦️♦️